ކ. ގުރައިދޫއަށް 100 ރުއް އިންދުމުގެ މަސައްކަތް ކޮށްދޭނެފަރާތެއް ހޯދަން އެރަށު ކައުންސިލުން އިއުލާނުކޮށްފި އެވެ.
ގުރައިދޫ ކައުންސިލުންކުރި އިއުލާނުގައި ބުނެފައިވަނީ، 100 ރުއް ހޯދައި އިންދުމުގެ ބީލަމުގައި ބައިވެރިވާން އެދޭ ފަރާތްތަކުން ސެޕްޓެމްބަރު ހަތް ވަނަ ދުވަހުގެ 13:00 ގެ ކުރިން ކައުންސިލުގެ މެއިލް procurement@guraidhoo.gov.mv މެދުވެރިކޮށް ރަޖިސްޓްރީ ކުރުމަށް އެދޭ ކަމަށެވެ.
ބީލަމުގައި ރަޖިސްޓްރީވާނީ 500 ރުފިޔާގެ ފީއެއް ދައްކާ ފަރާތްތަކަށެވެ.
އަންދާސީ ހިސާބު ހުށަހެޅުން އޮންނާނީ، ސެޕްޓެމްބަރު 8 ވަނަ ދުވަހުގެ 08:30 ގައި އެރަށު ކައުންސިލްގެ އިދާރާ ގައި ކަމަށާއި، ރަޖިސްޓްރީ ނުކުރާ ފަރާތްތަކާއި ބިޑް ހުށަހެޅުމަށް ގަޑިއަށް ހާޒިރު ނުވާ ފަރާތްތަކަށް އަންދާސީ ހިސާބު ހުށަހެޅުމުގެ ފުރުސަތު ނޯންނާނެ ކަމަށްވެސް އެ ކައުންސިލުން ބުނެފައިވެ އެވެ.
އިތުރު މައުލޫމާތު ބޭނުންވާނަމަ ސެޕްޓެމްބަރު 7 ވަނަ ދުވަހުގެ 12:00ގެ ކުރިން procurement@guraidhoo.gov.mv އަށް އީމެއިލް ކުރުމަށް ނޫނީ 6640072 ނަންބަރަށް ގުޅައިގެން މައުލޫމާތު ސާފުކުރުމަށް އެދިފައި ވެއެވެ.
