ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު، މިއަދު މ. ދިއްގަރު ސިއްހީ މަރުކަޒުގައި ގާއިމުކުރެވުނު ގައިންގަޔަށް ނާރާ ބަލިތަކުގެ ކްލިނިކް ރަސްމީކޮށް ހުޅުއްވައިދެއްވައިފި އެވެ.
ކްލިނިކް ހުޅުއްވައިދެއްވުމަށްފަހު މެޑަމް ސާޖިދާ ވަނީ ކްލިނިކް ބައްލަވާލައްވައި، އެތަނުން ފޯރުކޮށްދޭ ޚިދުމަތްތަކާ ބެހޭ މަޢުލޫމާތު އޮޅުންފިލުއްވާފަ އެވެ. މީގެއިތުރުން، މެޑަމް ސާޖިދާ ވަނީ ދިއްގަރު ޞިއްޙީ މަރުކަޒުގެ ޢިއްޒަތްތެރިންގެ ސޮއިކުރައްވާ ފޮތުގައިވެސް ސޮއިކުރައްވާފަ އެވެ.
މި ރަސްމިއްޔާތުގައި، ދިއްގަރު ސިއްހީ މަރުކަޒުގެ ފަރާތުންނާއި ދިއްގަރު ކައުންސިލް އިދާރާގެ ފަރާތުން ވަނީ ރައީސުލްޖުމްހޫރިއްޔާގެ އަނބިކަނބަލުންނަށް ހަނދާނީ ހަދިޔާއެއް އަރުވާފަ އެވެ.
މެޑަމް ސާޖިދާ މ. ދިއްގަރަށް ކުރައްވާ މި ދަތުރުފުޅުގައި މިއަދު މެންދުރުފަހު މ. ދިއްގަރު ސްކޫލުގައި ބޭއްވޭ ހަކުރުބަލީގެ ދުވަހުގެ ޚާއްޞަ ހަފްލާ ޝަރަފުވެރިކޮށްދެއްވުމަށް ހަމަޖެހިފައިވާކަން ފާހަގަކުރެވެ އެވެ.
މި އައު ކްލިނިކް ހުޅުވުމާއެކު، މ. ދިއްގަރުގެ ރައްޔިތުންނަށް ގައިންގަޔަށް ނާރާ ބަލިތަކަށް ޚާއްޞަ ޚިދުމަތްތައް ފަސޭހަކަމާއެކު ލިބިގެންދާނެ އެވެ. މިފަދަ ކްލިނިކެއް ގާއިމުކުރެވުމަކީ ރަށުގެ ޞިއްޙީ ޚިދުމަތްތައް އިތުރަށް ފުޅާވެ، ރައްޔިތުންގެ ދުޅަހެޔޮކަން އިތުރުވެގެންދާނެ ކަމެކެވެ.
ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު މ. ދިއްގަރު
