ކޮޕް29ގެ ހަވާސާގައި، މިނިސްޓްރީ އޮފް ކްލައިމެޓް ޗޭންޖް، އެންވަޔަރަމަންޓް އެންޑް އެނަރޖީ އިން އިންތިޒާމްކޮށްގެން، މޫސުމަށް އަންނަ ބަދަލު ތަކާއި އެކު ދެމެހެއްޓެނިވިގޮތެއްގައި ފަރުތައް ހިމާޔަތްކޮށް ރައްކާތެރި ކުރުމުށް ރާއްޖެއިން ކުރަމުންދާ މަސައްކަތްތައް ހިއްސާ ކުރުމަށް ސައިޑް އިވެންޓެއް ބާއްވައިފި އެވެ.

އެންވާރަމެންޓް މިނިސްޓްރީން ބުނީ އ.ދ.ގެ މޫސުމަށް އަންނަ ބަދަލުތަކާގުޅޭ މުއާހަދާގެ 29 ވަނަ ބައްދަލުވުމުގެ ހަވާސާގައި މޫސުމަށް އަންނަ ބަދަލުތަކާއެކު ދެމެހެއްޓެނެވި ގޮތެއްގައި ފަރުތައް ހިމާޔަތްކޮށް ރައްކާތެރިކުރުމަށް ރާއްޖެއިން ކުރަމުންދާ މަސައްކަތްތައް ހިއްސާކުރުމަށް ރާއްޖެއިން އިންތިޒާމުކޮށްގެން ސައިޑް އިވެންޓެއް ބާއްވާފައިވާ ކަމަށެވެ.

މި ސައިޑް އިވެންޓު ފެށުމުގެ ރަސްމިއްޔާތުގައި މިނިސްޓަރ ޠާރިޤު އިބްރާހީމް ވާހަކަފުޅު ދައްކަވަމުން ވަނީ ރާއްޖެއިން ފަރުތައް ހިމާޔަތްކޮށް ރައްކާތެރިކުރުމަށް ކުރަމުންގެންދާ މަސައްކަތްތަކަށް އަލިއަޅުވާލައްވާފަ އެވެ. މިގޮތުން، ސައިންޓިފިކް ދިރާސާތަކާއި މުޖުތަމައުގެ ބައިވެރިވުމާއެކު ރާއްޖޭގެ ފަރުތައް ހިމާޔަތްކޮށް ރައްކާތެރިކުރުމަށް މަސައްކަތްކޮށް ކާމިޔާބީތައް ހޯދާފައިވާކަން ފާހަގަކުރެއްވިއެވެ. މީގެ އިތުރުން، ބައިނަލްއަގްވާމީ ފެންވަރުގައި މި ފަދަ މައްސަލަތަކަށް ހައްލު ހޯދުމަށް ރާއްޖެއިން ވަކާލާތު ކުރަމުންދާކަން ފާހަގަކުރެއްވި އެވެ. އަދި ފަރުތަކާއި ކަނޑުތައް ހިޔާމަތްކޮށް ރައްކާތެރިކުރުމަކީ ބައިނަލްއަގްވާމީ ގޮތުން ގުޅިގެން ފިޔަވަޅު އަޅަންޖެހޭ މައްސަލައެއްކަމަށް މިނިސްޓަރ ފާހަގަކުރެއްވި އެވެ.

މި ސައިޑް އިވެންޓްގައި މުރަކަ ފަރުތައް ރައްކާތެރިކުރުމާއި، އިއާދަކުރުމާ ގުޅޭގޮތުން ޕްރެޒެންޓޭޝަންއެއް ވަނީ ހުށަހަޅާފައިއެވެ. އަދި ނިއުއީގެ ފަރާތުން، ފަރުތައް ހިމާތަތްކުރުމުގައި އެ ގައުމުގެ ތަޖުރިބާއާ ކުރަމުންދާ މަސައްކަތްތައް މި ސައިޑް އިވެންޓްގައި ހިއްސާކުރި އެވެ.

ކޮޕް29 މިނިސްޓަރ ޠާރިޤު އިބްރާހީމް މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ