އާބަން ސެންޓަރު ގާއިމު ކުރާ 7 ސަރަހައްދު ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކަނޑައަޅުއްވައިފި އެވެ.

ހައުސިން މިނިސްޓްރީން ނެރުނު ނޫސް ބަޔާނެއްގައި ބުނެފައިވަނީ އާބަން ސެންޓަރުތައް އަޅާނެ ސަރަހައްދުތައް މިހާރު ރައީސް މުއިއްޒު ކަނޑައަޅުއްވާފައިވާ ކަމަށެވެ.

އާބަން ސެންޓަރުގެ ގޮތުގައި ތަރައްގީ ކުރާ ރަށްތައް:

• ރ. އުނގޫފާރު
• ބ. އޭދަފުށި
• ޅ. ނައިފަރު
• އދ. މަހިބަދޫ
• ފ. ނިލަންދޫ
• ދ. ކުޑަހުވަދޫ
• ލ. ފޮނަދޫ

އާބަމް ސެންޓަރުގެ ގޮތުގައި މި 7 ރަށް ތަރައްގީ ކުރަން ސަރުކާރުން ނިންމާފައިވާ އިރު ރައީސް މުއިއްޒުގެ އަމާޒަކީ ސަރަހައްދީ ތަރައްގީގެ ވިސްނުމުގައި ރާއްޖެ ތަރައްގީ ކުރެއްވުމެވެ.

ހިޔާވަހި ފައިނޭންސް ސްކީމް އިފްތިތާހު ކުރެއްވުމަށް ބޭއްވި ރަސްމިއްޔާތުގައި ރައީސް ވިދާޅުވީ ރާއްޖޭގެ ރަށްތަކުގައި ގެދޮރު އިމާރާތް ކުރުމަށް ދޫކުރަން ކަނޑައަޅާފައިވާ ލޯނަށްވުރެ އާބަން ސެންޓަރުގެ ގޮތުގައި ތަރައްގީ ކުރާ ރަށްތަކަށް ދޭ ލޯނު އިތުރު ވާނެ ކަމަށެވެ. އެގޮތުން އެހެން ރަށްތަކަށް އެންމެ ގިނަ ވެގެން ދޭނީ 1 މިލިއަން ރުފިޔާގެ ލޯނެވެ. ނަމަވެސް އާބަން ސެންޓަރުތަކަށް 3 މިލިއަން ރުފިޔާއާ ހަމައަށް ލޯނު ދޫކުރަން ހަމަޖެހިފައިވާ އިރު މާލެ ސަރަހައްދަށް 6 މިލިއަން ރުފިޔާއާ ހަމައަށް ލޯނު ދޫކުރާނެ އެވެ.

ހައުސިން މިނިސްޓަރު ޑރ. އަލީ ހައިދަރު އަހުމަދު ހައުސިން މިނިސްޓްރީ ހިޔާވަހި ފައިނޭންސް ސްކީމް ރައީސުލްޖުމްހޫރިއްޔާ ޑރ. މުހައްމަދު މުއިއްޒު