އެމްބަސީ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން، މިނިސްޓަރ ހަލީލް ވިދާޅުވީ ދެ ގައުމުގެ ގުޅުން އިތުރަށް ހަރުދަނާކުރުމާއި އިގުތިސާދީ ކުރިއެރުމާއި ދިވެހި ސަގާފަތް ކުރިއެރުވުމަށް އަދި ދެ ގައުމުގެ ރައްޔިތުންގެ ދެމެދުގައި އެކުވެރިކަން އާލާކުރުމުގައި އެމްބަސީގެ ދައުރު ބޮޑުވާނެ ކަމަށެވެ.

މި އެމްބަސީ މެދުވެރިކޮށް ރާއްޖޭގެ ހާރިޖީ ސިޔާސަތު ތަންފީޒު ކުރުމަށާއި ތުރުކިޔޭގައި ދިރިއުޅޭ ދިވެހިންނަށް ކޮންސިއުލަރ ހިދުމަތްތައް ފޯރުކޮށްދެވޭނެ އެވެ. އަދި ދެ ގައުމުގެ ދެމެދުގައި ބައިލެޓަރަލް އަދި މަލްޓިލެޓަރަލް ގުޅުންތައް އިތުރަށް ހަރުދަނާކުރުމަށް މަގުފަހިވެގެންދާނެ އެވެ.

ރަސްމިއްޔާތުގައި ބައިވެރިވެވަޑައިގެންނެވި ތުރުކިޔޭގެ ކަލްޗަރ އެންޑް ޓޫރިޒަމް މިނިސްޓަރު ފާހަގަކުރެއްވި ގޮތުގައި ދެ ގައުމުގެ ދެމެދުގައި ޓޫރިޒަމާއި، ސަގާފަތާއި، އިގްތިސާދު އަދި ތައުލީމީ ދާއިރާއިން ގުޅުންތައް ވަނީ އިތުރަށް ތަރައްގީވެފަ އެވެ.

ތުރުކިޔޭގައި ހުންނަވާ ދިވެހި ފުރަތަމަ ސަފީރުކަމަށް މިދިޔަ އަހަރު އައްޔަންކުރައްވާފައިވަނީ ލެފްޓެނަންޓް ޖެނެރަލް (ރޓ) ޢަބްދުއްރަޙީމް ޢަބްދުއްލަޠީފެވެ.

މި އެމްބަސީ ހުޅުވުމާއެކު، ތުރުކިޔޭގައި ދިރިއުޅޭ ދިވެހިންނަށް ބޭނުންވާ ކޮންސިއުލަރ ހިދުމަތްތައް ފަސޭހަކަމާއެކު ލިބިގެންދާނެ ކަމަށް ފޮރިން މިނިސްޓްރީން ވަނީ އުންމީދުކުރައްވާފަ އެވެ. އަދި މިއީ ދެ ގައުމުގެ ގުޅުން އިތުރަށް ވަރުގަދަވެގެންދާނެ މުހިންމު ފިޔަވަޅެއް ކަމުގައި ފާހަގަކުރެވެ އެވެ.

ރާއްޖެ - ތުރުކީ މިނިސްޓްރީ އޮފް ފޮރިން އެފެއާޒް ފޮރިން މިނިސްޓަރު ޑރ. އަބްދުﷲ ހަލީލް