ޑިސެމްބަރު މަހުގެ އެއްވަނަ ދުވަހުން ފެށިގެން ޖެނުއަރީ މަހުގެ ނިޔަލަށް ހައި ކޯޓް، ރިސެސްއަށް ގޮސްފި އެވެ.
މި މުއްދަތުގެ ތެރޭގައި ވަކި ބާވަތެއްގެ މައްސަލަތަކެއް ކުރިއަށް ގެންދިއުމަށް އާންމު މަޖިލީހުން ނިންމާފައިވާ ކަމަށް ކޯޓުން ވަނީ އިޝާރާތްކޮށްފަ އެވެ. އެގޮތުން ކޯޓުގެ ގަވާއިދާ އެއްގޮތަށް ވަކި މުއްދަތެއްގެ ތެރޭގައި ގާނޫނީ ގޮތުން ނިންމަންޖެހޭ މައްސަލަތަކުގެ އިތުރުން އަވަސް ކަންކަން ރިސެސްގައި ހައްލުކުރެވޭނެ އެވެ.
ގާނޫނު އަސާސީން ނުވަތަ ގާނޫނުން ކަނޑައެޅިފައިވާ މުއްދަތެއްގެ ތެރޭގައި ނިންމުމެއް ނިންމަން ޖެހޭ މައްސަލަތައް ފިޔަވައި، ސުޕްރީމް ކޯޓުވެސް ރިސެސްގައި އަމަލު ކުރާނީ މިހެން ނެވެ. ސުޕްރީމް ކޯޓްވެސް ޑިސެމްބަރ 1 އިން ފެށިގެން ޖެނުވަރީ 1 ގެ ނިޔަލަށް ރިސެސްއަަށް ދާނެ ކަމަށް އިއުލާންކޮށްފައި ވެއެވެ.
ރިސެސްގެ ތެރޭގައި ކޯޓުގެ އަޑުއެހުންތައް މެދުކަނޑާލި ނަމަވެސް، އާ މައްސަލަތަކާއި އިދާރީ އެހެން މަސައްކަތްތައް ބަލައިގަތުން މެދުކެނޑުމެއް ނެތި ކުރިއަށް ގެންދާނެ ކަމަށާއި، ގާނޫނީ މައްސަލަތައް ކުރިއަށްދާކަން ކޯޓުން ކަށަވަރުކޮށްދެ އެވެ.
