ހުޅުމާލެ ހޮސްޕިޓަލުގެ އިމަޖެންސީ ރޫމް ބޮޑުކުރަން ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)އާއި ސަރުކާރުން ހަވާލުކޮށްފި އެވެ.
މިއަދު ހުޅުމާލެ ހޮސްޕިޓަލުން ނެރުނު ބަޔާނެއްގައި ބުނީ އެ ހޮސްޕިޓަލްގެ އިމަޖެންސީ އަދި ޖީއޯޕީޑީ ހިދުމަތް ހޯދި މީހުންގެ އަދަދު 250،000 އަށް ވުރެ މައްޗަށް އަރާފައިވާ ކަމަށެވެ. ވީމާ، ހިދުމަތް ފުޅާކުރުމަށްޓަކައި ސިވިލް ވޯކް އެންޑް އިންޓީރިއާ ފިނިޝިންގެ މަސައްކަތް 60 ދުވަސް ތެރޭގައި އާރުޑީސީން ނިންމަން ޖެހޭ ގޮތަށް އެއްބަސްވެފައި ވެއެވެ.
މި އެއްބަސްވުމުގައި އާރްޑީސީގެ ފަރާތުން ސޮއިކުރައްވާފައިވަނީ އެކުންފުނީގެ އެމްޑީ ބްރިގޭޑިއާ ޖެނެރަލް ރިޓަޔާޑް އަލީ ޒުހައިރު އެވެ. އަދި މާލެ ސިޓީ ގްރޫޕް އޮފް ހޮސްޕިޓަލްސްގެ ފަރާތުން ސޮއިކުރައްވާްފައިވަނީ ސީއީއޯ އިބްރާހީމް އަބްދުލް ރައްޒާގް ހަލީމް އެވެ.
ހުޅުމާލެ ހޮސްޕިޓަލުން ބުނީ މި އެއްބަސްވުމުގެ ދަށުން ހުޅުމާލެ ހޮސްޕިޓަލްގެ އިމަޖެންސީ ރޫމްގައި ޒަމާނީ ވަސީލަތްތައް ހިމެނޭ 14 އެނދު ބަހައްޓާނެ ކަމަށެވެ. އޭގެއިން ކްރިޓިކަލް ހާލަތްތަކުގައި ފަރުވާ ދިނުމަށް ހާއްސަ ކުރެވޭ ރިސަސްއެއް ގާއިމް ކުރެވޭނެ ކަމަށް ހުޅުމާލެ ހޮސްޕިޓަލުގެ ބަޔާނުގައި ވެއެވެ. މީގެ ކުރިން އެތަނުގައި ބޭނުންކުރަމުންދިޔައީ 7 އެނދެވެ.
”އަޕްގްރޭޑް ކުރެވިފައިވާ އީއާރުގައި ޓްރޯމާ އާއި އެކްސިޑެންޓްތަކުން ފެށިގެން މެޑިކަލް އެމަޖެންސީތަކާ ހަމައަށް ގިނަ ކްރިޓިކަލް ހާލަތްތަކަށް ހިދުމަތްދެވޭނެ“
ހޮނިހިރު ދުވަހު ހުޅުމާލެ ހޮސްޕިޓަަށްް ވަނީ ޓާޝަރީ ފެންވަރުގެ ހޮސްޕިޓަލްގެ ދަރަޖައަށް ބަދަލުކޮށްފަަ އެވެ.
ހުޅުމާލެ ހޮސްޕިޓަލް ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ)
