މޯލްޑިވްސް އިސްލާމިކް ބޭންކް (އެމްއައިބީ) ގެ އޭޓީއެމް ޚިދުމަތް 19 ރަށަކަށް ފުޅާކުރުމުގެ މަޝްރޫޢު ފަށައިފި އެވެ.
މި ރަސްމިއްޔާތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ބައިވެރިވެ ވަޑައިގަތެވެ.
ރަސްމިއްޔާތުގައި، މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑާއި އިސްލާމިކް ބޭންކާ ދެމެދު އޭޓީއެމް ޚިދުމަތް ފުޅާކުރުމާ ބެހޭ ފަހުމުނާމާއެއްގައި ސޮއިކުރެވުނެވެ. މި ފަހުމުނާމާގައި ސޮއިކުރެއްވީ މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް، މުޙައްމަދު ސަޢީދާއި މޯލްޑިވްސް އިސްލާމިކް ބޭންކުގެ ޗީފް އެގްޒެކެޓިވް އޮފިސަރ މުފައްދަލް އިދްރީސް ޚުމްރީ އެވެ.
މި މަޝްރޫޢަކީ ދިވެހިރާއްޖޭގެ މީހުން ދިރިއުޅޭ ހުރިހާ ރަށެއްގައި އޭޓީއެމްގެ ޚިދުމަތް ޤާއިމުކޮށް، ހުރިހާ ދިވެހި ރައްޔިތުންނަށް ގާތުން އަދި ފަސޭހަކަމާއެކު ބޭންކިންގ ޚިދުމަތްތައް ފޯރުކޮށްދިނުމަށް ރައީސުލްޖުމްހޫރިއްޔާ ވެވަޑައިގެންނެވި ރިޔާސީ ވަޢުދުފުޅު ފުއްދެވުމަށް ކުރިއަށްގެންދަވާ މަސައްކަތެކެވެ.
މިހާރު 12 އަތޮޅުގެ 18 ރަށެއްގައި އެމްއައިބީގެ 39 އޭޓީއެމް ޤާއިމުކުރެވިފައިވާއިރު، 2025 ވަނަ އަހަރުގެ ނިޔަލަށް އެމްއައިބީގެ އިތުރު 23 އޭޓީއެމް އެކި ރަށްރަށުގައި ޤާއިމުކުރެވޭނެކަމަށް ބޭންކުން މަޢުލޫމާތުދެ އެވެ. މި މަޝްރޫޢު ނިމޭއިރު އެމްއައިބީގެ އޭޓީއެމްގެގެ ޚިދުމަތް 16 އަތޮޅެއްގެ 37 ރަށަކަށް ފޯރުކޮށްދެވޭނެ އެވެ.
މި މަޝްރޫޢުގެ ސަބަބުން ރާއްޖޭގެ އެކި ކަންކޮޅުތަކުގައި ދިރިއުޅޭ ރައްޔިތުންނަށް ފަސޭހަކަމާއެކު ބޭންކިންގ ޚިދުމަތްތައް ލިބި، އިޤްތިޞާދީ ޙަރަކާތްތައް އިތުރުވެގެންދާނެކަމަށް ބެލެވެ އެވެ. އަދި މިއީ ރަށްރަށުގެ ތަރައްޤީއަށް މުހިންމު ފިޔަވަޅެއްކަމަށްވެސް ފާހަގަކުރެވެ އެވެ.
ރައީސް އޮފީސް އިކޮނޮމިކް މިނިސްޓަރު މުހައްމަދު ސައީދު މޯލްޑިވްސް އިސްލާމިކް ބޭންކް (އެމްއައިބީ)
