މުޅި ރާއްޖެއަށް ބޭންކް އޮފް މޯލްޑިވްސް (ބީއެމްއެލް)ގެ އަދަދު 2025 ނިމޭއިރު މުޅިރާއްޖޭގެ އޭޓީއެމްގެ އަދަދު 250 އަށްވުރެ ގިނަވާނެ ކަަމަށް ބީއެމްއެލްގެ ސީއީއޯ މުހައްމަދު ޝަރީފް ވިދާޅުވެއްޖެ އެވެ.
ޝަރީފް މިހެން ވިދާޅުވީ، މި ކަމަށް ހާއްސަކޮށް ރައީސް އޮފީހުގައި ބޭއްވި ރަސްމިއްޔާތެއްގައި ވާހަކަ ދައްކަވަމުންނެވެ.
ޝަރީފް ވިދާޅުވީ، މި އަންނަ ހޯމަދުވަހު ބީއެމްއެލްއަށް 42 އަހަރު ފުރޭއިރު މި ބޭންކުވަނީ ދުނިޔޭގެ މާލީފެންވަރުގެ ހައްލުތަށް ފޯރުކޮށްދިނުމާއި، ކަސްޓަމަރުންނަށް ފަސޭހަކަން ހޯދައިދިނުމުގައި ފާހަގަކޮށްލެވޭ ކުރިއެރުންތަކެއް ހޯދައިފައިވާ ކަމަށެވެ.
”ބައިމިލިއަނަށްވުރެ ގިނަ ކާޑް ދޫކޮށްފައިވާއިރު އަޅުގަނޑުމެންވާނީ ބައިނަށްލަގުވާމީ އެންމެބޮޑެތި ކާޑު އަދި ނެޓްވޯކްތަކާއި ގުޅުން ބަދަހިކޮށް ކަސްޓަމަރުންނަށް ދުނިޔޭގެ ކޮންމެ ހިސާބެއްގައި ތިބެގެންވެސް ފައިސާދެއްކުމުގެ ހިދުމަތް ލިބޭނެ މަގު ތަނަވަސްކޮށްދީފަ.“
ބީއެމްއެލްގެ ކާޑްމެޝިން މެދުވެރިކޮށް ރާއްޖެއަންނަ ފަތުރުވެރިން ރީޗެކްޕޭ، އެޕަލްޕޭ އަދި ގޫގުލްޕޭ ފަދަ މަގްބޫލު ޑިޖިޓަލްްވޮލެޓްތަކުން ފައިސާދެއްކުމުގައި ފަސޭހަތަކެއް ލިބޭނެ ކަމަށްވެސް ޝަރީފް ވިދާޅުވި އެވެ.
ޝަރީފް ވިދާޅުވީ، މިވަގުތު 7000 އަށްވުރެ ގިނަ ވިޔަފާރިތަކުން ދަނީ ބޭންކުގެ އެ ޕޭވްމެންޓް ސިސްޓަމްތަށް ބޭނުންކުރަމުން ކަަމަށާއި، ޑިޖިޓަލް ބޭންކުގެ ހިދުމަތްތަށް އިތުރަށް ފުރިހަމަކޮށް ބޮޑެތި މަސައްކަތްތަކެއް މިއަންނަ އަހަރު ފެށިގެން ކުރިޔަށް ދާނެ ކަމަށެވެ.
މީގެތެރޭގައި، މޯބައިލްބޭންކިން، އިންޓަނެޓް ބޭންކިން، ޕޭވްމެންޓް ގޭޓްވޭގެ ހިދުމަތްތަށް ފައިނޭންޝިއަލް ޓްކްނޮލެޖީއަށް އަންނަ ބަދަލުތަކައި އެއްގޮތަށް ޒަމާނީ ބަދަލުތަށް ގެނެސް އިތުރު ޑިޖިޓަލް ހިދުމަތްތަށް ތާރަފްކުރުން ހިމެނޭ ކަމަށްވެސް ޝަރީފް ވިދާޅުވި އެވެ.
