މޯލްޑިވް ގޭސް ޕްރައިވެޓް ލިމިޓެޑުން ރާއްޖޭގައި ކައްކާ ގޭސް ރައްކާކުރުމުގެ ގާބިލްކަން އިތުރުކުރުމަށް 4.5 މިލިއަން ޑޮލަރުގެ އަގު ހުރި މަޝްރޫއެއް ފަށައިފި އެވެ.

މޯލްޑިވް ގޭސްގެ މެނޭޖިން ޑިރެކްޓަރު އަބްދުﷲ މުހައްމަދު މިކަން ހާމަކުރެއްވީ ދައުލަތުގެ މީޑިއާއަށް ދެއްވި އިންޓަވިއުއެއްގެ ތެރެއިން  އެވެ.

އަބްދުﷲ މުހައްމަދު އޭނާގެ ވާހަކަފުޅުގައި ފާހަގަކުރެއްވި ގޮތުގައި އެކުންފުނީގެ އަސާސީ ގޮންޖެހުމަކީ ކެއްކުމަށް ބޭނުންކުރާ ގޭސް ރައްކާކުރެވޭ މިންވަރު މަދުވުމެވެ. ނަމަވެސް މިމައްސަލައަށް ހައްލެއް ހޯދުމަށް ފަހަކަށް އައިސް ކުރެވުނު މަސައްކަތްތައް ކާމިޔާބުވާކަން އޭނާ ފާހަގަކުރެއްވި އެވެ. އާ މަޝްރޫއާ އެކު އެކުންފުނީގެ ސްޓޯރޭޖް ކެޕޭސިޓީ ހަތަރު ފަސް މަސް ދުވަހަށް އިތުރު ކުރަން ރާވާފައި ވެއެވެ. މެނޭޖިން ޑިރެކްޓަރު އިތުރަށް ވިދާޅުވީ އަންނަ އަހަރު ނިމޭއިރު މި މަޝްރޫއު ނިމޭނެ ކަމަށް ބެލެވޭއިރު، އެ ހިސާބުން ކުންފުނީގެ މިހާރުގެ ސްޓޯރޭޖް ކެޕޭސިޓީ ތިންގުނައަށް އިތުރުވާނެ ކަމަށެވެ.

އަބްދުﷲ މުހައްމަދު ވަނީ ވޭތުވެދިޔަ އަހަރާ އަޅާބަލާއިރު %33 ކުރިއެރުމެއް ހޯދާފައިވާ އެކުންފުނީގެ މާލީ ގޮތުން ކުރިއަރާފައިވާ ވަރުގަދަ ނަތީޖާއަށް އަލިއަޅުވާލައްވާފަ އެވެ. އޭނާ ފާހަގަކުރެއްވި ގޮތުގައި މޯލްޑިވް ގޭސް ބޭރުގެ މާލީ އެހީތެރިކަމަށް ބަރޯސާވާން ނުޖެހި، އެކުންފުނީގެ އަމިއްލަ އާމްދަނީއަށް ބަރޯސާވާން މަސައްކަތްކުރެ އެވެ. އޭނާ އެ ކުންފުނީގެ ކާމިޔާބީ ނިސްބަތް ކުރެއްވީ އެއްބާރުލުން ދިނުމުގެ ސަގާފަތާއި ލަނޑުދަނޑިތައް ހާސިލް ކުރުމަށް ހިއްސާކުރެވޭ ވައުދުތަކަކަށެވެ. މި ވިސްނުމުގެ ދަށުން ކުންފުނިން ވަނީ ވަކިވަކިން ތިން ފަހަރެއްގެ މަތިން މުވައްޒަފުންނަށް ބޯނަސް ދީފައި ކަންވެސް އޭނާ ފާހަގަކުރެއްވި އެވެ.

މޯލްޑިވް ގޭސް މޯލްޑިވް ގޭސްގެ މެނޭޖިން ޑިރެކްޓަރު އަބްދުﷲ މުހައްމަދު