ހުޅުމާލެ ފުރަތަމަ ފިޔަވަހީގެ ބައެއް ސަރަހައްދުތަކުން ކަރަންޓު ކެނޑިއްޖެ އެވެ.
ސްޓެލްކޯ އިން މައުލޫމާތު ދިން ގޮތުގައި ކަރަންޓު ކެނޑިފައިވަނީ ޓެކްނިކަލް މައްސަލައެއް ދިމާވެގެންނެވެ. ދިމާވި މައްސަލަ ދެނެގަނެ ވީއެންމެ އަވަހަކަށް މަސައްކަތް ހައްލު ކުރުމުގެ މަސައްކަތް ކުރަމުން އަންނަ ކަމަށް ވެސް ބުނެފައިވެ އެވެ.
ކަރަންޓު ކެނޑިފައިވަނީ ހުޅުމާލެ ފުރަތަމަ ފިޔަވަހީގެ އިންޑަސްޓްރިއަލް ޒޯން، ޕްލެޓިނަމް ފްލެޓް އޭރިއާ، ހުރަވީ ސުކޫލު އޭރިއާ، ނިރޮޅުމަގު ރެޑްބުލް ޕާކް އޭރިއާ އިންނެވެ.
ކަރަންޓު ކެނޑުމުގެ ސަބަބުން ދިމާވާ އެންމެހާ ދަތިތަކަށް ސްޓެލްކޯ އިންވަނީ މާފަށް އެދިފައި އެވެ.
