އައްޑޫ ސިޓީ ހިތަދޫގައި ރޭ ތޫނު އެއްޗަކުން ހަމަލާދީ މީހަކު ޒަހަމަކޮށްލައިފި އެވެ.
ފުލުހުން ”ޖަވިޔަނި“ އަށް މައުލޫމާތު ދެމުން ބުނީ މި ހާދިސާ ގައި ޒަހަމްވީ 34 އަހަރުގެ ދިވެހި ފިރިހެނަކަށް ކަމަށެވެ. އެނާގެ ހަށިގަނޑުގެ ދެ ތަނަކަށް ތޫނު އެއްޗަކުން ހަމަލާ ދީފައިވާ ކަމަށާއި އޭނާ އަށް އައްޑު އިކުއެޓޯރިއަލް ހޮސްޕިޓަލުގައި ފަރުވާ ދެމުން އަންނަ ކަމަށް މައުލޫމާތުދީފައިވެ އެވެ. .
ފުލުހުން ބުނެފައިވަނީ މި ހާދިސާ ރިޕޯޓު ކޮށްފައިވަނީ ރޭ ދަންވަރު 01:17 އެހާ ކަންހާއިރު ކަމަށެވެ. އަދި މި ހާދިސާގައި މިހާތަނަށް އެއްވެސް މީހަކު ހައްޔަރުކޮށްފައި ނުވާ ކަމަށް ވެސް ބުނެފައިވެ އެވެ.
މިކަމާ ގުޅޭ އިތުރު ތަފްސީލު ފުލުހުން ހާމަކޮށްފައެއް ނުވެ އެވެ. ފުލުހުން ބުނެފައިވަނީ އެ އިދާރާއިން މި މައްސަލަ ތަހުގީގުކުރަމުން ގެންދާ ކަމަށެވެ.
