ލ. މާވަށުގައި މީހަކަށް ވަޅިއަކުން ހަމަލާދީ މަރާލި މައްސަލައިގައި މީހަކު ހައްޔަރުކޮށްފި އެވެ.
ވަޅިއަކުން ކަރަށް ހަމަލާދީ މާވަށުގައި މަރާލާފައިވަނީ ނަލަހިޔާ، ލ. މާވަށް މޫސާ އިބްރާހީމް، 29 އަހަރު އެވެ.
ފުލުހުން ބުނެފައިވަނީ، މިހާތަނަށް ބެލިބެލުމުން މި މާރާމާރީއަކީ ދެމީހުންގެ މެދުގައި ހިނގާފައިވާ މާރާމާރީއެއް ކަމަށް ބެލެވޭ ކަމަށެވެ.
މި މައްސަލައިގެ ތުހުމަތުގައި ފުލުހުންގެ ބެލުމުގެދަށަށް ގެންގޮސްފައިވަނީ، އަސަރީ މަންޒިލް / ހދ. ނޮޅިވަރަންފަރު، މުހައްމަދު އިބްރާހިމް، 29 އަހަރު އެވެ.
މާވަށުގައި މީހަކަށް ތޫނު އެއްޗަކުން ހަމަލާދީ ޒަހަމުކޮށްލާފައިވަނީ މިއަދު ހެނދުނު އެވެ. އަނިޔާވެފައިވާ މީހާ ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުނެފައިވެ އެވެ.
ފުލުހުން ބުނެފައިވަނީ މި މައްސަލަ ތަހުގީގު ކުރަމުން ގެންދާ ކަމަށެވެ.
