އައްޑޫސިޓީއަށް ދިމާވެފައިވާ ކަރަންޓުގެ މައްސަލަ ހައްލުކުރުމަށް އިތުރު ޖަނަރޭޓަރެއް އެ ސިޓީއަށް ފޮނުވުމުގެ މަސައްކަތް ފަށައިފި އެވެ.

ފެނަކައިން ބުނެފައިވަނީ، އައްޑޫ ސެންޓްރަލް ޕަވާސްޓޭޝަންގެ ޖެނެރޭޝަން ކެޕޭސިޓީ އިތުރު ކުރުމަށް ކުރެވެމުންދާ މަސައްކަތްތަކުގެ ތެރެއިން ރާއްޖެއިން ބޭރުން ގެނެވުނު 1،800 ކ.ވގެ އިންޖީނު މާލެ އިން އައްޑޫއަށް ގެންދިއުމަށް ފުރުވާލެވިފައިވާ ކަމަށެވެ.

މި ޖަނަރޭޓަރު ހިފައިންގެންދާ އުޅަނދު 26 މާރޗް 2025 ވަނަ ދުވަހު 21:30 ހާއިރު އައްޑޫއަށް ބަނދަރު ކުރާނެ ކަމަށްވެސް ފެނަކައިން މައުލޫމާތުދީފައިވެ އެވެ.

އައްޑޫގެ ކަރަންޓުގެ މައްސަލަ ބޮޑުގެ ދޭތެރެ ދޭތެރެއިން ކަރަންޓު ކަނޑަންޖެހިފައިވާ އެކަމުގެ ކަންބޮޑުވުން ކައުންސިލުން އަދި އެސިޓީގެ ރައްޔިތުން އަންނަނީ ފާޅުކުރަމުންނެވެ. ކަރަންޓު މައްސަލަ ހައްލު ކުރުމަށް ފެނަކައިން ގިނަ މަސައްކަތްތަކެއް ކުރަމުންދާއިރު، ސެންޓްރަލް ޕަވާ ސްޓޭޝަންގެ އިންޖީނުގެ މަރާމާތު ކުރުމުގެ މަސައްކަތްވެސް ފެނަކައިން އަންނަނީ ކުރަމުންނެވެ.

ކަރަންޓުގެ ހިދުމަތް އައްޑޫ ސިޓީ ފެނަކަ