ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް، ގދ. ފަރެސްމާތޮޑާ ދާއިރާގެ މަޖިލިސް މެންބަރު އަޝްރަފް ރަޝީދާއި، އެއަތޮޅު ފިޔޯރީ ކައުންސިލްގެ ރައީސް ފައިޒަރު ރަޝީދާ ބައްދަލުކުރައްވައިފި އެވެ.

މި ބައްދަލުވުން ބޭއްވުނީ އަންގާރަ ދުވަހު ރައީސުލްޖުމްހޫރިއްޔާގެ އޮފީހުގަ އެވެ.

މި ބައްދަލުވުމުގައި ފިޔޯރީގެ ތަރައްޤީއަށް ބޭނުންވާ ކަންކަމާއި ރައްޔިތުންގެ އެންމެ އިސް އެދުންތަކާ ގުޅޭގޮތުން މަޝްވަރާކުރެވުނެވެ. އެގޮތުން، ރަށުގެ ބޮޑު ސްޓޭޑިއަމްގައި ޓާފު އެޅުމާއި، ޒުވާނުންގެ މަރުކަޒެއް ޤާއިމުކުރުމަށް ކައުންސިލް ރައީސާއި ދާއިރާގެ މަޖިލިސް މެންަޖިލިސް މެންބަރު އެދިވަޑައިގަތެވެ. މީގެއިތުރުން، ރަށުގައި އޭ.ޓީ.އެމްގެ ޚިދުމަތް ނެތުމުން ރައްޔިތުންގެ ކަންބޮޑުވުންތައް ހިއްސާކުރެވުނެވެ. އަދި ރަށުގެ ސްކޫލުގެ ހާލަތު ރަނގަޅުކުރުމާއި، ޞިއްޙީ ޚިދުމަތް 24 ގަޑިއިރު ދެވޭ ތަނަކަށް ހެދުމަށްވެސް އެދިވަޑައިގަތެވެ.

ބައްދަލުވުމުގައި ވާހަކަފުޅު ދައްކަވަމުން ނައިބު ރައީސް ވިދާޅުވީ، ފާހަގަކުރެވުނު ކަންކަމަށް އަވަސް ޙައްލެއް ހޯދުމަށް ކަމާބެހޭ އިދާރާތަކާ މަޝްވަރާކުރެއްވުމަށްފަހު ބައްލަވާނެ ކަމަށެވެ. އަދި ރައީސުލްޖުމްހޫރިއްޔާގެ ޚާއްޞަ އިސްނެންގެވުމުގެ ދަށުން ފެށިފައިވާ މުޅި ރާއްޖޭގެ ހުރިހާ ރަށެއްގައި އޭ.ޓީ.އެމް ޤާއިމުކުރުމުގެ މަޝްރޫޢުގެ ސަބަބުން ރައްޔިތުންނަށް ގިނަ ފަސޭހަތަކެއް ލިބިގެންދާނެ ކަމަށްވެސް އެމަނިކުފާނު ވިދާޅުވި އެވެ.

ރައީސުލްޖުމްހޫރިއްޔާގެ ނައިބު އަލްއުސްތާޛު ހުސައިން މުހައްމަދު ލަތީފް ގދ. ފިޔޯރި