ރައްޔިތުންގެ މަޖިލީހުގެ މެންބަރުންނަކީ އެއްވެސް ހާލެއްގައި ތިޖޫރިއާ ހަވަލ؛ުވެގެން ތިބޭ ބައެއް ނޫން ކަމަށް ރައްޔިތުންގެ މަޖިލީހުގެ އޭދަފުށީ ދާއިރާގެ މެންބަރު އަހުމަދު ސަލީމް ވިދާޅުވެއްޖެ އެވެ.
މަޖިލީހުގެ މިއަދުގެ ޖަލްސާގައި ނުހައްގު މުއްސަނދިކަމުގެ ގާނޫނަށް ބަހުސް ކުރަށްވަމުން ސަލީމް ވިދާޅުވީ، އެއްވެސް ކުންފުންޏެއްގެ ވެރިއެއްގެ ހައިސީޔަތުން ބާރެއް ފޯރުވޭ ބައެއް ނޫން ކަމަށެވެ.
”އެހެންވީމާ އަޅުގަނޑުމެންގެ ތެރޭގައި ތިބެދާނެ އިންގޭތޯ ހަމަ ނުހައްގު މުއްސަނދިކަން ހޯދާ މީހުން. އެހެންނަމަވެސް، އެންމެންގެ މައްޗަށް މިއިން އެއްވެސް ކަމެއް ބިނާކޮށް އަޅުގަނޑުމެން އެވާހަކަ ދެއްކިގެ ންނުވާނެ.“
ސަލީމް ވިދާޅުވީ، ދައުލަތުގައިވެސް އެންމެންނަކީ އެ ޒިންމާ އެޅުވޭނެ ބައެއް ނޫން ކަމަށާއި، އެހެންނަމަވެސް ގިނަ ކުންފުނިތަކަށް ކޮންމެ ސަރުކާރައެއްގައި ވެސް ފެނިގެންދަނީ އިންތިހާއައް ކޮރަޕްޝަންގެ އަމަލުތަށް ހިންގަމުންދާ ތަން ކަމަށެވެ.
އެހެންނަމަވެސް، ރައީސް ޑރ. މުހައްމަދު މުއިއްޒު ބޭނުންފުޅުވީ ކޮރަޕްޝަނަށް އެއްވެސް ޖާގައެއް ނުދީ މިކަންތަށްތަށް އެއްމެބަރަށް ގާނޫނަށް ގެންނަންޖެހޭ ކޮންމެ އިސްލާހެއް ގެނެސްގެން ނަމަވެސް މިކަން ސަރުކާރުގެ ތެރެއިން ހުއްޓުވުން ކަމަށް ސަލީމް ވިދާޅުވި އެވެ.
”އަޅުގަނޑުމެންނަށް އިނގޭނެ އަޅުގަނޑުމެން ސަރުކާރާއި ހަވާލުވިއިރުގައި ހަގީގަތުގައިވެސް އޭގެކުރީގައި އެތަށް ބިލިޔަން ރުފިޔާއެއް ދައުލަތުން ނުހައްގު ގޮތުގައި އެބަހުރި ގޮސްފައި. އެހެންވީމާ އެ ހަމައަކަށް އަޅުވައިގެން ނޫނީ، ހަގީގަތުގައި މިގައުމު ކިތަންމެ އަޅުގަނޑުމެން ޓެކްސް ނެގިކަމުގައި ވިޔަސް، ކިތަންމެވަރަކަށް އާމްދަނީ އިތުރުކުރަން އުޅުނުކަމުގައި ވިޔަސް، އަޅުގަނޑުމެންނަކަށް އިތުރަކަށް ކުރިޔަށްދެވޭނެ އެއްވެސް ހައްގެއް ނޯންނާނެ.“
ސަލީމް އިތުރަށް ވިދާޅުވީ، މިކަން ހުއްޓުވަން ޖެހޭ ކަމަށާއި، މިކަންކަމަށް ކެރެން ޖެހޭ ކަމަށާއި، ގާނޫނެއް ހަދާފައިއޮތްކަމުގައި ވިޔަސް އެގާނޫނަށް އަމަލުކުރަން ޖެހޭ ކަމަށެވެ.
