އެމެރިކާއިން އަފްގާނިސްތާނަށް ދެމުންދިޔަ އެހީތައް މެދުކަނޑާލައިފި

Advertisement

Advertisement

އެންމެ ފަސް

Advertisement

އެމެރިކާގެ ރައީސް ޑޮނަލްޑް ޓްރަމްޕް ވަނީ އަފްޣާނިސްތާނަށް ދެމުންދިޔަ ބޭރުގެ އެހީތައް 90 ދުވަހަށް ހުއްޓާލުމަށް އަމުރުކޮށްފައެވެ. މި ނިންމުމާ ގުޅިގެން އިންސާނީ އެހީތެރިކަމުގެ ބޮޑެތި ޖަމިއްޔާތަކުން ވަނީ ކަންބޮޑުވުން ފާޅުކޮށްފައެވެ.

ނޯވޭގެ ރެފިއުޖީ ކައުންސިލްގެ ސެކްރެޓަރީ ޖެނެރަލް ޖޭން އެގޭލެންޑް ރޮއިޓާސްއަށް ދެއްވި ބަޔާނެއްގައި ވިދާޅުވެފައިވަނީ މި ނިންމުމަކީ އަފްޣާނިސްތާނަށް ”މުސީބާތެއް“ ކަމަށެވެ. އޭނާ އިތުރަށް ވިދާޅުވީ މިހާރުވެސް ރިލީފް އޮޕަރޭޝަންތައް ފެށިފައިވާ އަފްޣާނިސްތާނުގައި މި ނިންމުމުގެ ސަބަބުން ވަގުތުން މުސީބާތްތަކެއް ކުރިމަތިވާނެ ކަމަށެވެ.

އެގޭލެންޑް އިތުރަށް ފާހަގަކުރެއްވި ގޮތުގައި މި ނިންމުމާ ގުޅިގެން އަފްޣާނިސްތާނަށް އެންމެ ބޮޑެތި އެހީ ދެމުންދިޔަ ފަރާތްތަކުން އިތުރަށް އެހީ ކަނޑާލުމަށް ތައްޔާރުވަމުންދާތީ އެހީދޭ އެޖެންސީތައް ވަނީ ކަންބޮޑުވެފައެވެ. އަދި އޭނާ ވިދާޅުވީ މިހާރުވެސް އަފްޣާނިސްތާނުގެ އާބާދީގެ ދެބައިކުޅަ އެއްބަޔަށް އިންސާނީ އެހީތެރިކަން ބޭނުންވާ ކަމަށެވެ.

އިންސާނީ އެހީތެރިކަމުގެ އެހެން ޖަމިއްޔާއެއްގެ ވެރިޔަކު ފާހަގަކުރެއްވި ގޮތުގައި 2022 ވަނަ އަހަރުން ފެށިގެން ތާލިބާނުން ވަނީ އަފްޣާނިސްތާނުގެ އަންހެނުންނަށް އެންޖީއޯތަކުގައި މަސައްކަތް ކުރުން މަނާކޮށްފައެވެ. އަދި މިދިޔަ އަހަރުގެ ފަހުކޮޅު ކުރި ދެވަނަ އިޢުލާނެއްގައި މި އަމަލު ތަކުރާރުކޮށްފައިވާ ކަމަށް އޭނާ ވިދާޅުވިއެވެ.

އެމެރިކާގެ ރައީސް ޑޮނަލްޑް ޓްރަމްޕް މި ނިންމުން ނިންމެވި ސަބަބެއް އަދި ސާފުވެފައެއް ނުވެއެވެ. ނަމަވެސް މި ނިންމުމުގެ ސަބަބުން އަފްޣާނިސްތާނުގެ އެންމެ ނިކަމެތި އަދި ނާޒުކު ފަރާތްތަކަށް، ޚާއްޞަކޮށް އަންހެނުންނާއި ކުޑަކުދިންނަށް ނޭދެވޭ އަސަރުތަކެއް ކުރާނެ ކަމަށް އިންސާނީ އެހީތެރިކަމުގެ ޖަމިއްޔާތަކުން ވަނީ ބިރުފާޅުކޮށްފައެވެ.

އެމެރިކާ ޓްރަމްޕް

Advertisement

Advertisement

Leave a Reply

Your email address will not be published. Required fields are marked *

ހަބަރާއި ގުޅޭ