ގައްޒާގައި ކުރިއަށް ދަމުންދާ ހަމާސް އާއި އިސްރާއީލުގެ ހަނގުރާމަތަށް ވަގުތީ ގޮތުން މެދުކަނޑާލައިފި އެވެ.
ހަނގުރާމަ ހުއްޓުމަށް ލަސްވުމެއް އައިސްފައިވަނީ ހަމާސްއިން ހައްޔަރުކޮށްފައިވާ މީހުންގެ ލިސްޓެއް ނުލިބުމުގެ ސަބަބުން ހަނގުރާމަ ހުއްޓާލުމަށް އެއްބަސްވުމަކަށް ނާންނާނެ ކަމަށް އިސްރާއީލުގެ ޕްރައިމް މިނިސްޓަރ ބެންޖަމިން ނަތަންޔާހޫ ބުނުމުންނެވެ. އަދި ނެތަންޔާހޫ މީގެ ކުރިން ފާހަގަކޮށްފައިވަނީ، އެތައް ޑަޒަނަކަށް އަރާ ޢަދަދެއްގެ ފަލަސްޠީނު ބަންދީން ދޫކޮށްލުމާ ބަދަލުގައި ދޫކޮށްލާނެ ތިން ރަހީނުންގެ ނަންތައް ހާމަކުރުމަށް ހަމާސްއިން އެއްބަސްވެފައިވާ ގޮތާ އެއްގޮތަށް ޢަމަލުކޮށްފައި ނުވާ ކަމަށެވެ.
ހަނގުރާމަ ހުއްޓާފައިވަނީ މެންދުރުފަހު 11:15 (ގްރީންވިޗް މީން ޓައިމްއިން 09:15) ގައި ކަމަށް ރަސްމީކޮށް އިޢުލާނުކޮށްފައި ވެ އެވެ.
މި ރަސްމީ ބަޔާން ނެރެފައިވަނީ، އާދީއްތަ ދުވަހު ދޫކޮށްލުމަށް ހަމަޖެހިފައިވާ ތިން އިޒްރާއީލީ އަންހެން ރަހީނުން ކަމަށްވާ ރޯމީ ގޯނެން، ޑޮރޯން ސްޓެއިންބްރެޗަރ އަދި އެމިލީ ދަމާރީގެ ނަންތައް ހަމާސް ޖަމާޢަތުން ހާމަކުރުމާ ގުޅިގެންނެވެ.
