ބިންގަނޑު ކަހައިގެން ދިއުމުގެ ހާދިސާއެއްގައި އިންޑިއާގެ ކެރެލާގެ އެތައް ބަޔަކު ތާށިވެ، 19 މީހުން މަރުވެއްޖެ އެވެ.
ކެރެލާ ސްޓޭޓަކީ ފުދޭވަރަކަށް ގިނަ ދިވެހިންވެސް އުޅޭ ސްޓޭޓެކެވެ.
ކެރެލާގެ އެ ސަރަހައްދަށް ބޯކޮސް ވާރޭވެހުމުގެ ސަބަބުން ދިމާވި މި ހާދިސާގައި ގިނަ ބަޔަކު ތާށިވެފައިވާއިރު މިހާރު އެސަރަހައްދަށް ރޭންޖްވެސް ނުލިބޭތީ މީހުން ސަލާމަތްކުރުމުގެ މަސައްކަތަށް ބުރޫއަރާފައިވާ ކަމަށް އިންޑިއާގެ ކަމާއި ބެހޭ އިދާރާތަކުން ރިޕޯޓްކޮށްފައި ވެއެވެ. މިހާރު އިންޑިއާގެ އަސްކަރިއްޔާއިން ވަނީ މީހުން ސަލާމަތް ކުރުމަށްޓަކައި ހެލިކޮޕްޓަރުތައް ބިންގަނޑު ކަހައިގެން ދިޔަ ސަރަހައްދަށް ފޮނުވާފަ އެވެ.
ޓީވީ ބްރޯޑްކާސްޓުން ދައްކާ ގޮތުގައި ހިލަތަކާއި ވެއްޓިފައިވާ ގަސްތަކުގެ ތެރެއިން ފެން ފައިބަމުން ދިޔައިރު ގިނަ ގެތަކެއް ވަނީ ސުންނާފަތުވެފަ އެވެ.
އިންޑިއާގައި ގަވާއިދުން ޖޫން މަހާއި ސެޕްޓެމްބަރު މަހާއި ދެމެދު ތަޖުރިބާކުރާ ވިއްސާރަ މޫސުމުގައި ބިންގަނޑު ކަހާއިގެން ދިއުމުގެ ހާދިސާތައް ކުރިމަތިވެ އެވެ.
