އާސެނަލްގެ ޑިފެންޑަރު، ބެން ވައިޓް، ކަކުލުގެ އޮޕަރޭޝަނެއް ކުރަން ޖެހި، ދިގުމުއްދަތަކަށް ކުޅުމާ ދުރަށް ދާން ޖެހިއްޖެކަމަށް އެ ޓީމުގެ ކޯޗު، މިކޭލް އާޓެޓާ ބުނެފިއެވެ.
އުމުރުން 27 އަހަރުގެ ކުޅުންތެރިޔާއަށް އެކިފަހަރި މަތިން އަނިޔާވެފައިވާއިރު، ކަކުލުގެ އޮޕަރޭޝަން ކުރަން ނިންމީ މިދިޔަ އިންޓަނޭޝަނަލް ބްރޭކުގައެވެ.
އާޓެޓާ ބުނީ މިއީ އުނދަގޫ ދަނޑިވަޅެއް ކަމަށާއި، ވައިޓަށް ލިބުނު އަނިޔާއަށް އެއްވެސް ކުރިއެރުމެއް ނުލިބޭތީ، އޮޕަރޭޝަން ކުރަން މަޖުބޫރުވީ ކަމަށެވެ. އޭނާ އިތުރަށް ބުނީ، އޮޕަރޭޝަން ކުރަން ވައިޓް އެއްބަސްވެފައިވާ ކަމަށާއި، އޭގެ ސަބަބުން ދިގު މުއްދަތަކަށް ކުޅުމާ ދުރުގައި ހުންނަން ޖެހޭނެކަމަށެވެ.
ވައިޓް ކުޅުމާ ދުރަށް ދާން ޖެހޭނީ ކިހާ މުއްދަތަކަށްކަން ސުވާލުކުރުމުން އާޓެޓާ ބުނީ، އޭގެ ޖަވާބެއް އެނގޭނީ އޮޕަރޭޝަނަށްފަހު ކަމަށެވެ. އަދި ހަ މަސް ދުވަހަށް ވުރެ ދިގު ނުވާނެ ކަމަށް އުއްމީދު ކުރާ ކަމަށް ބުންޏެވެ.
ޗެލްސީއާ ދެކޮޅަށް ކުޅުނު މެޗުގައި ޑެކްލަން ރައިސް އާއި ބުކާޔޯ ސަކާއަށް އަނިޔާވުމާ ގުޅިގެން، އިންގްލެންޑުގެ ސްކޮޑުން ބާކީ ކުރިނަމަވެސް، މިހާރު އެ ދެ ކުޅުންތެރިންވެސް ރަނގަޅުކަމަށް އާޓެޓާ ބުންޏެވެ.
އިނގިރޭސި ޕްރިމިއާ ލީގުގައި އާސެނަލް މިރޭ ނިކުންނާނީ ނޮޓިންހަމް ފޮރެސްޓާ ދެކޮޅަށެވެ.
