ބިދޭސީން ގަވައިދާ ހިލާފަށް ހިންގާ 29 ވިޔަފާރިއެއް ރިޕޯޓްކޮށްފި، އޮޕަރޭޝަންތައް ފަށަނީ

Advertisement

އެންމެ ފަސް

Advertisement

ރާއްޖޭގައި ބިދޭސީން ގަވައިދާ ޚިލާފަށް ހިންގާ ވިޔަފާރިތައް ރިޕޯޓުކުރުމަށް ހުޅުވާލި ފުރުސަތުގައި މިހާތަނަށް 29 ވިޔަފާރިއެއް ރިޕޯޓުކޮށްފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.

ސައީދު ވިދާޅުވީ، ގަވާއިދާ ޚިލާފަށް ބިދޭސީން ހިންގާ ވިޔަފާރިތައް ރިޕޯޓުކުރުމަށް އިއުލާނު ކުރިތާ ފުރަތަމަ 41 ގަޑިއިރު ތެރޭ، ގަވައިދާ ޚިލާފަށް ހިންގާ ކަމަށް ފާހަގަ ކުރެވޭ 29 ވިޔަފާރިއެއްގެ ރިޕޯޓު އާއްމު އެކި ފަރާތްތަކުން ކޮށްފައިވާ ކަމަށެވެ.

އެހެންކަމުން މިއަދު މެންދުރުފަހުން ފެށިގެން، މިކަމާ ގުޅިގެން ރައީސުލްޖުމްހޫރިއްޔާ އުފައްދަވާފައިވާ ނޭޝަނަލް ޓާސްކް ފޯސްގެ އޮޕަރޭޝަންތައް ފަށާނެ ކަމަށް މިނިސްޓަރު ސައީދު ވިދާޅުވި އެވެ.

މިނިސްޓަރު ސައީދު ވަނީ މިފަދަ ރިޕޯޓުތައް ކުރެއްވި ވަރަކަށް އެފަދަ ތަންތަން ބަލައި ފާސްކޮށް، ޤާނޫނުގައިވާ ގޮތުގެ މަތީން ފިޔަވަޅު އަޅަމުންދާނެ ކަމުގެ ޔަގީންކަން އަރުވާފަ އެވެ.

ގަވައިދާ ހިލާފަށް ބިދޭސީން ހިންގާ ވިޔަފާރިތައް ހޯދާ ފިޔަވަޅުއެޅުމުގެ މަސައްކަތް އިކޮނޮމިކް މިނިސްޓްރީން ފަށާފައިވަނީ، ގަވައިދާ ހިލާފަށް ފުޅާދާއިރާއެއްގައި ބިދޭސީން ވިޔަފާރި ކުރަމުންގެންދާ ކަމުގެ ޝަކުވާ އަބަދުވެސް ލިބެމުންދާކަން ފާހަގަކުރުމަށްފަހު އެވެ. އިކޮނޮމިކް މިނިސްޓްރީން ބުނެފައިވަނީ މި މައްސަލައަކީ ގައުމީ ފެންވަރުގައި ހައްލުކުރަންޖެހޭ މައްސަލައެއް ކަމަށެވެ.

އިކޮނޮމިކް މިނިސްޓްރީން ބުނި ގޮތުގައި މިގޮތަށް ލިބޭ މައުލޫމާތުތަކަށް އަވަސް ފިޔަވަޅު އެޅުމަށްޓަކައި، ހޯމް މިނިސްޓްރީއާ، ފުލުހުން، އިމިގްރޭޝަން އަދި އެހެނިހެން ތަންފީޒީ އިދާރާތައް ހިމެނޭ ގޮތަށް ގާއިމްކޮށްފައިވާ ”ނެޝަނަލް ޓާސްކްފޯރސް އޮން ކޮމްބެޓިންގ އިލީގަލް އެކްސްޕެޓްރިއޭޓް އޮޕަރޭޝަންސް އެންޑް ބިޒްނަސަސް“ މެދުވެރިކޮށް މަސައްކަތްކުރާނެ އެވެ.

އިކޮނޮމިކް މިނިސްޓަރު މުހައްމަދު ސައީދު އިމިގްރޭޝަން މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް ދިވެހި ފުލުހުންގެ ޚިދުމަތް

Leave a Reply

Your email address will not be published. Required fields are marked *

ހަބަރާއި ގުޅޭ