ހައިވޭގައި ސައިކަލަކާއި ޕިކަޕެއްޖެހި އެކްސިޑެންޓެއް ހިނގައި 2 މީހަކަށް އަނިޔާވެއްޖެ އެވެ.
ފުލުހުން މިއަދު ބުނެފައިވަނީ، ހައިވޭގައި މާލެއިން ހުޅުމާލެއަށްދާ ލޭންގެ 4 ލޭން ނިމޭ ހިސާބުގައި ސައިކަލަކާއި ޕިކަޕެއްޖެހި އެކްސިޑެންޓެއް ވެފައިވާ ކަމުގެ މައުލޫމާތު ފުލުހުންނަށް މިއަދު ހެނދުނު 09:00 ހާއިރު ލިބިފައިވާ ކަމަށެވެ.
ފުލުހުން ބުނީ، މިި އެކްސިޑެންޓްގައި އަނިޔާވެފައި ވަނީ، ސައިކަލް ދުއްވަން އިން 28 އަހަރުގެ ދިވެހި ފިރިހެނަކަށާއި، ސައިކަލްގެ ފަހަތުގައި އިން 22 އަހަރުގެ އިންޑިއާ އަންހެނަކަށް ކަމަށެވެ. އަދި އެ ދެމީހުންނަށް އައިޖީއެމްއެޗްގައި ފަރުވާ ދެމުންދާ ކަމަށްވެސް ފުލުހުން ބުނެފަައިވެ އެވެ.
މި އެކްސިޑެންޓްގައި 28 އަހަރުގެ މީހާގެ ކަނާތު ކޮނޑުހުޅު ނެއްޓި އެކިވަރުގެ އަނިޔާވެފައިވާއިރު، 22 އަހަރުގެ އަންހެން މީހާ ގައިގެ އެކި ތަންތަން މަށައިގެންގޮސް އެކިވަރުގެ އަނިޔާ ވެފައިވާ ކަމަށް ފުލުހުން ބުނެފައިވެ އެވެ.
ފުލުހުން ބުނެފައި ވަނީ، މި މައްސަލަ އެއިދާރާއިން ތަހުގީގު ކުރަމުންދާ ކަމަށެވެ.
