”ކާފު ފޯރަމް“ ފަށައިފި

Advertisement

އެންމެ ފަސް

Advertisement

ކ. އަތޮޅުގެ ރަށްރަށަށް ދިމާވާ މުހިންމު މައްސަލަތަކާއި ގޮންޖެހުންތަކަށް ހައްލުހޯދާ މަޝްވަރާކުރުމަށް ”ކާފު ފޯރަމް“ ފަށައިފި އެވެ.

މި ފޯރަމް ފެށުމުގެ ރަސްމިއްޔާތު ޝަރަފުވެރިކޮށްދެއްވީ ސިޓީސް މިނިސްޓަރ އާދަމް ޝަރީފް އުމަރު އެވެ. މި ފޯރަމަކީ މާލެއަތޮޅު، އަތޮޅު ކައުންސިލުން އިސްނަގައިގެން 4 ދުވަހުގެ މުއްދަތަކަށް ކ. ތުލުުސްދޫގައި ކުރިއަށްގެންދާ ފޯރަމެކެވެ.

ކާފު ފޯރަމަކީ، މާލެ އަތޮޅުގެ ރަށްރަށަށް ދިމާވާ މައްސަލަތަކާއި، އަދި އަތޮޅު ފެންވަރުގައި ކުރިމަތިވެފައިވާ ގޮންޖެހުންތައް ދެނެގަނެ، އެކަންކަމަށް ދެމެހެއްޓެނިވި ހައްލުތަކެއް ހޯދުމަށް މަސައްކަތްކުރުމަށް ކުރިއަށްގެންދާ ފޯރަމެކެވެ.

މި ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރ ވިދާޅުވީ، ލާމަރުކަޒީ ނިޒާމަކީ ފެހި ގާނޫނުއަސާސީއިން ލިބުނު ހަދިޔާ ކަމަށާއި، މި ހަދިޔާ އާއި އެކުގައި ގަބޫލު ކުރަންޖެހޭ އަނެއް ހަގީގަތަކީ މި ނިޒާމު އިތުރަށް ތަރަށްގީ ކުރުމަށްޓަކައި ކުރަންޖެހޭ މަސައްކަތްތައް ވަރަށް ގިނަކަން ކަމަށެވެ. މި މަސައްކަތުގެ ތެރޭގައި އުޅޭތާ 15 ވަރަކަށް އަހަރު ވެފައިވާ ކަމަށާއި، އެހެންނަމަވެސް، 15 އަހަރަކީ އޭގެ ޒާތުގައި އެހާ ދިގު މުއްދަތެއްނޫން ކަމަށްވެސް މިނިސްޓަރ ވިދާޅުވި އެވެ.

ލާމަރުކަޒީ ނިޒާމު ތައާރަފް ކުރެވިގެން ދިޔައީ ގާނޫނުއަސާސީގެ ތެރެއިން ރައްޔިތުން އެކަމަށް އެންމެ ރަނގަޅަށް ތައްޔާރުވެފައި އޮށްވައި ނޫން ކަމަށްވެސް މިނިސްޓަރ ވިދާޅުވި އެވެ. އެހެންނަމަވެސް މިދިޔަ 15 ވަރަކަށް އަހަރު ދުވަހުގެ ތެރޭގައި އެ ނިޒާމު ވަރަށްބޮޑަށް ކުރިއަރައިގެން ގޮސްފައިވާކަން ފާހަގަކުރެއްވި އެވެ.

މި ފޯރަމްގައި މާލެއަތޮޅު، އަތޮޅު ކައުންސިލްގެ މެންބަރުންނާއި، ކައުންސިލްތަކުގެ ސެކްރެޓަރީ ޖެނެރަލުންނާއި، ޑަބްލިޔު.ޑީ.ސީ މެންބަރުންނާއި، ކައުންސިލް މެންބަރުންނާއި، މާލެއަތޮޅު ސިއްހީމަރުކަޒުތަކުގެ އިސްވެރިން ބައިވެރިވެވަޑައިގަންނަވަ އެވެ.

މިނިސްޓަރު އާދަމް ޝަރީފް އުމަރު ލާމަރުކަޒީ ނިޒާމް

Leave a Reply

Your email address will not be published. Required fields are marked *

ހަބަރާއި ގުޅޭ