މި އަހަރުގެ ދެ މިލިއަން ވަނަ ފަތުރުވެރިޔާ ރާއްޖެ އަތުވެއްޖެ އެވެ.

މި ކާމިޔާބީއަކީ ރާއްޖޭގެ ފަތުރުވެރިކަމުގެ ސިނާއަތަށް ލިބުނު ބޮޑު ކުރިއެރުމެކެވެ.

މި އަހަރުގެ ދެ މިލިއަން ވަނަ ފަތުރުވެރިޔާގެ ގޮތުގައި ރާއްޖެ ޒިޔާރަތްކޮށްފައިވަނީ އަލަތު ކައިވެނީގެ ހަނީމޫނަށް ރާއްޖެ އައި އިނގިރޭސިވިލާތުގެ ބެތެނީ ސަރާ ކާސްވެލް އެވެ. މިއީ އޭނާ ރާއްޖެ އައި ފުރަތަމަ ފަހަރެވެ.

ސަރާ ކާސްވެލް ހަނީމޫން ހޭދަ ކުރުމަށް ހަމަޖެހިފައިވަނީ ހައައުޓްޓްރިގާ މާފުށިވަރު ރިސޯޓުގަ އެވެ. އޭނާއަށް ވެލާނާ އިންޓަނޭޝަނަލް އެއާޕޯޓުގައި ވަނީ ހޫނު މަރުހަބާއެއް ކިޔާފަ އެވެ. ސަރާ އަށް މަރުހަބާ ކިޔުމުގައި ވީއެމްސީ، ފަތުރުވެރިކަމާ ބެހޭ ވުޒާރާ، އެމްއޭސީއެލް، އިމިގްރޭޝަން، ކަސްޓަމްސް ގެ އިތުރުން ސަރުކާރުގެ އެހެން މުވައްސަސާތަކާއި އަމިއްލަ ޖަމިއްޔާތަކުން ބައިވެރިވެފައިވެ އެވެ. މި މުނާސަބަތުގައި ސަރާ އަށް ފަތުރުވެރިކަމާބެހޭ ވުޒާރާ، ވީއެމްސީ، ކަސްޓަމްސް، އިމިގްރޭޝަން އަދި އެހެނިހެން ސްޕޮންސާތަކުން ހަދިޔާ އަދި ހޮލިޑޭ ވައުޗާ ހުށަހަޅާފައިވެ އެވެ.

މި އަހަރު ދެ މިލިއަން ޓޫރިސްޓުން ހަމަވެފައި މިވަނީ މިދިޔަ އަހަރަށްވުރެ އެއް މަސް ދުވަސް ކުރިންނެވެ. ރާއްޖޭގެ 50 އަހަރުވީ ޓޫރިޒަމް ތާރީހުގައި މިހާތަނަށް އެއް އަހަރެއްގެ މައްޗަށް އެންމެ ގިނައިން ޓޫރިސްޓުން އައިސްފައިވަނީ މިދިޔަ އަހަރު އެވެ. މި އަދަދު ހަމަވެފައިވަނީ މިދިޔަ ޑިސެމްބަރު 26، 2024 ވަނަ ދުވަހު ރާއްޖެއަށް ދެ މިލިއަން ޓޫރިސްޓުން ހަމަވުމާ ގުޅިގެންނެވެ.

މިއަދު ދެ މިލިއަން ވަނަ ފަތުރުވެރިޔާ އައިސްފައިވާއިރު، މިއަހަރު ފަތުރުވެރިކަމުގެ ސިނާއަތަށް ސަރުކާރުން ކަނޑައަޅާފައިވާ އަމާޒަކީ 2.3 މިލިއަން ފަތުރުވެރިން ރާއްޖެ ގެނައުމެވެ. މި އަހަރުގެ މިހާތަނަށް ދެ މިލިއަން ފަތުރުވެރިން ހަމަވުމަކީ، މި އަމާޒަށް ވާސިލުވެވޭނެ ކަމަށް ބެލެވޭ ބެލުމެކެވެ.

ރާއްޖެއަށް މި އަހަރުގެ މިހާތަނަށް ފަތުރުވެރިން ޒިޔާރަތްކޮށްފައިވާ އަދަދުތައް:

• ޗައިނާ 310,047
• ރަޝިޔާ 251,103
• އިނގިރޭސިވިލާތް 178,529
• ޖަރުމަނު 150,780
• އިޓަލީ 129,976
• އިންޑިއާ 114,888
• އެމެރިކާ 57,877
• ފްރާންސް 50,828
• ސްޕެއިން 49,217
• އޮސްޓްރޭލިއާ 38,041

މިދިޔަ ފަސް އަހަރު ރާއްޖެ ޒިޔާރަތްކޮށްފައިވާ ފަތުރުވެރިންގެ އަދަދުތައް:

• 2019: 1.7 މިލިއަން ޓޫރިސްޓުން

• 2021: 1 މިލިއަން ޓޫރިސްޓުން

• 2022: 1.7 މިލިއަން ޓޫރިސްޓުން

• 2023: 1.8 މިލިއަން ޓޫރިސްޓުން

• 2024: 2 މިލިއަން ޓޫރިސްޓުން

އަހަރުން އަހަރަށް ރާއްޖެ އަންނަ ފަތުރުވެރިންގެ އަދަދުތައް އިތުރުވާއިރު، ރާއްޖެއަށް ފަތުރުވެރިކަމުގެ ސިނާއަތުން ލިބޭ އާމްދަނީވެސް ވަނީ ބޮޑުތަނުން އިތުރުވެފަ އެވެ. އެގޮތުން 2019 ވަނަ އަހަރު ޓޫރިޒަމަށް 3.9 ބިލިއަން ޑޮލަރުގެ އާމްދަނީއެއް ލިބިފައިވެ އެވެ. މިދިޔަ އަހަރު މި އަދަދު ވަނީ 4.8 ބިލިއަން ޑޮލަރަށް އުފުލިފަ އެވެ.

އެމްއޭސީއެލް ވެލާނާ އިންޓަނޭޝަނަލް އެއާޕޯޓް (ވީއައިއޭ) މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓް ފަތުރުވެރިކަން