މާލެއަށް މިއަދު ކުރަމުންދާ ވިއްސާރައިގައި މަގުތަކުގައި ފެންބޮޑުވެފައިވާތީ ފެން ހިންދުމުގެ މަސައްކަތުގައި އެމްއެންޑީއެފްގެ ފަޔާ އެންޑް ރެސްކިއު ސާވިސް އިން ހަރަކާތްތެރިވާން ފަށައިފިއެވެ.
އެމްއެންޑީއެފުން މައުލޫމާތު ދިން ގޮތުގައި ބޯކޮށް ވާރޭވެހި ފެންބޮޑުވަމުން ދާތީ ފެން ހިންދުމުގެ މަސައްކަތުގައި އެމްއެންޑީއެފްގެ ފަޔާ އެންޑް ރެސްކިއު ސާވިސް އިން އަންނަނީ ހަރަކާތްތެރިވަމުންނެވެ. އަދި އެ މަސައްކަތް ކުރަމުން އަންނަނީ އަންނަނީ ހަތް ސަރަހައްދެއްގައި ޕަންޕު ބަހައްޓައިގެނެވެ.
ގެތަކަށް ފެން ވަންނާތީ ވެލި ބަސްތާ ޖެހުމުގައި ވެސް ހަރަކާތްތެރިވަމުން އަންނަ ކަމަށް ވެސް އެމްއެންޑީއެފުން ބުނެފައިވެއެވެ.
މަގުމަތަކުގައި ފެން ބޮޑުވެ ފިން ހިންދުމުގެ މަސައްކަތުގައި އެމްއެންޑީއެފުން ހަރަކާތްތެރިވަމުންދާއިރު މޫސުމާ ބެހޭ ގައުމީ އިދާރާއިން ބުނީ މިރެއާއި މާދަމާ ވެސް މޫސުން ގޯސްވާނެ ކަމަށެވެ. މިއަދުވެސް މޫސުން ގޯސްވެ ޅ. އަތޮޅުން ފެށިގެން އދ. އަތޮޅާއި ހަމައަށް ރީނދޫ ސަމާލު 18:30 ހާއިރަށް ނެރެފައިވެއެވެ.
ހުރިހާ ފަރާތްތަކުން ހާއްސަކޮށް ދަތުރުވެރިން މޫސުމަށް ސަމާލުވެ ރައްކާތެރިކަމުގެ ފިޔަވަޅު އެޅުމަށް އިލްތިމާސް ކޮށްފައިވެއެވެ.
