ވައިގަދަވެ ކަނޑުތައް ގަދަވާނެ ކަމަށް ލަފާކޮށް މޫސުމާ ބެހޭ ގައުމީ އިދާރާއިން 7 އަތޮޅަކަށް ރީނދޫ ސަމާލު ނެރެފިއެވެ.

އެ އިދާރާއިން ރީނދޫ ސަމާލު ނެރެފައިވަނީ ޅ. އަތޮޅުން ފެށިގެން އދ. އަތޮޅާއި ހަމައަށެވެ. ރީނދޫ ސަމާލު ނެރެފައިވާ ވަގުތަކީ 14:30 އިން ފެށިގެން 18:30 އެވެ. މި ވަގުތުތަކުގައި އެ ސަރަހައްދުތަކަށް ބޯކޮށް ވާރޭވެހި ގުގުރާނެ ކަމަށް ލަފާކުރެއެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވެ ކަނޑުތައް ގަދަވާނެ ކަމަށް ވެސް އެ އިދާރާއިން ލަފާކުރެ އެވެ.

އެ އިދާރާއިން ނެރެފައިވާ ރީނދޫ ސަމާލުގައި ހިމެނޭ އަތޮޅުތަކަކީ ރ. އަތޮޅު، ބ. އަތޮޅު، ޅ އަތޮޅު، ކ. އަތޮޅު، ވ. އަތޮޅު، އއ. އަތޮޅުގެ އިތުރުން އދ. އަތޮޅެވެ.

މާދަމާ އާ ހަމައަށް ވިއްސާރަވާނެ ކަމަށާއި ހުރިހާ ފަރާތްތަކުން ހާއްސަކޮށް ދަތުރުވެރިން މޫސުމަށް ސަމާލުވެ ރައްކާތެރިކަމުގެ ފިޔަވަޅު އެޅުމަށް މޫސުމާ ބެހޭ ގައުމީ އިދާރާއިން އިލްތިމާސް ކުރެއެވެ.

މޫސުން ގޯސްވުން މޫސުމާ ބެހޭ ގައުމީ އިދާރާ