ބޮޑުކުރި މުސާރަ ފުރިހަމަޔަށް ލިބެން ފަށާނީ ޑިސެންބަރުން ފެށިގެން: ފިނޭންސް މިނިސްޓްރީ

Advertisement

އެންމެ ފަސް

Advertisement

ސިވިލް ސާވެންޓުންގެ މުސާރަ ބޮޑުކުރުމަށް ސަރުކާރުން ނިންމި ނިންމުމަށްފަހު، އެ މުސާރަ ފުރިހަމަ ގޮތުގައި ލިބެން ފަށާނީ ޑިސެންބަރު މަސް ނިމޭއިރު ކަމަށް ފިނޭންސް މިނިސްޓްރީން ބުނެފި އެވެ.

ފިނޭންސް މިނިސްޓްރީން ބުނި ގޮތުގައި، މުވައްޒަފުންގެ ހާޒިރީއަށް ބަލައިގެން ދެމުންދާ އެލަވަންސްތަކާއި އިނާޔަތްތައް ހިސާބުކުރުމުގައި ބަލަނީ ވޭތުވި މަހުގެ 16 ވަނަ ދުވަހުން ފެށިގެން ހިނގާ މަހުގެ 15 ވަނަ ދުވަހުގެ ނިޔަލަށެވެ. އެހެންކަމުން، މި މަހުގެ އެއްވަނަ ދުވަހުން ފެށިގެން މުސާރައަށް ގެނެސްފައިވާ ބަދަލާއެއްގޮތަށް މުސާރައަށް އައި ކުރިއެރުން ފުރިހަމަ ގޮތުގައި ލިބެން ފަށާނީ ޑިސެންބަރު މަސް ނިމޭއިރު ލިބޭ މުސާރައިންނެވެ.

މިނިސްޓްރީން އިތުރަށް ބުނެފައިވާ ގޮތުގައި، ނޮވެންބަރު މަހުގެ މުސާރަ ލިބޭއިރު، މުސާރަ ހިސާބު ކުރުމުގައި ޢަމަލުކުރާ އުސޫލަށް ބަލާއިރު، އޮކްޓޫބަރު 16 އިން 31 އަށް ހިސާބުކުރާނީ އޮކްޓޫބަރު މަހުގެ އެލަވަންސާއި ޢިނާޔަތްތައް ހިމަނައިގެންނެވެ.

ނޮވެންބަރުން ފެށިގެން ލިބޭ އެލަވަންސްތަކާއި ޢިނާޔަތްތައް ހިސާބުކޮށްފައިވާނީ ނޮވެންބަރު މަހު 1 ން ފެށިގެން 15 ގެ ނިޔަލަށް ކަމަށްވާތީ، ނޮވެންބަރު މަހުގެ މުސާރަ ލިބޭއިރު ލިބޭނީ ޕޭ ފްރޭމްވަރކްގެ ދަށުން މަގާމުތަކަށް ކަނޑައަޅާފައިވާ އެލަވަންސްތަކާއި ޢިނާޔަތްތަކުގެ އެއްބައި

މިނިސްޓްރީން ބުނީ، ޕޭ ފްރޭމްވޯކް ތެރެއަށް ބަދަލުވުމާ ގުޅިގެން އެއްވެސް މުވައްޒަފެއްގެ މުސާރަ ކުޑަވާ ހާލަތެއް މެދުވެރިވެއްޖެ ނަމަ، މައިގްރޭޝަން އެލަވަންސް ދޭނެ ގޮތުގެ މިންގަޑާ އެއް ގޮތްވާ ގޮތުގެ މަތިން އެލަވަންސްއެއް ހަމަޖެހިގެންދާނެ ކަމަށެވެ. މީގެ މަގުސަދަކީ އެއްވެސް މުވައްޒަފަކަށް މާލީ ގޮތުން ގެއްލުމެއް ނުލިބޭނެކަން ކަށަވަރުކުރުމެވެ.

މި ބަދަލުގެ މައިގަނޑު އެއް މަޤްސަދަކީ ދައުލަތުގެ އިދާރާތަކުން މުވައްޒަފުންނަށް ވަކި މިންވަރެއްގެ ޖުމްލަ އުޖޫރައެއް ދިނުމުގެ ގޮތުން ގިނަ ވަގުތު އިތުރުގަޑީގެ ފައިސާ ދެވޭގޮތަށް އޮތް ނިޒާމު ބަދަލުކޮށް، މަސައްކަތު ގަޑީގެ ބޭނުން ފުރިހަމަގޮތުގައި ހިފުގެ ސަޤާފަތެއް އާލާކުރުން ކަމަށްވެސް ފިނޭންސް މިނިސްޓްރީން ހާމަކުރެ އެވެ.

މި ނޮވެމްބަރު މަހުގެ 1 ވަނަ ދުވަހުން ފެށިގެން ސަރުކާރުގެ ގިނަ މުވައްޒިފުންތަކެއްގެ މުސާރަ ވަނީ ބޮޑުކޮށްފަ އެވެ.

މުސާރަ ބޮޑުވި ދާއިރާއްތައް:

  • ބިޒްނަސް އެންޑް އެޑްމިނިސްޓްރޭޓިވް ސާވިސް،
  • ތައުލީމީ ދާއިރާ،
  • ސިއްހީ ދާއިރާ،
  • އިންފޮމޭޝަން އެންޑް ކޮމިއުނިކޭޝަންސް ދާއިރާ،
  • ލީގަލް، ކަލްޗަރަލް އަދި ސޯޝަލް ސާވިސް،
  • ސައިންސް އެންޑް ބިލްޓް އެންވަޔަރަމެންޓް ސާވިސް،
  • ސެކްރެޓޭރިއަލް، ސްކިލްޑް އެންޑް އެލެމެންޓްރީ ސާވިސް

ރައީސް ޑރ. މުހައްމަދު މުއިއްޒު ވިދާޅުވެފައިވާ ގޮތުގައި ގޮތުގައި، މިއަހަރު މުސާރަ ބޮޑު ނުވާ އެހެން ހުރިހާ މުއައްސަސާތަކެއްގެ މުވައްޒަފުންގެ މުސާރަ 2026 ގައި ބޮޑުވެގެންދާނެ އެވެ.

މިނިސްޓްރީ އޮފް ފިނޭންސް

Leave a Reply

Your email address will not be published. Required fields are marked *

ހަބަރާއި ގުޅޭ