އަމާޒަކީ މި ދައުރުގައި ރަސްމާލެގެ އިންފްރާސްޓްރަކްޗާ ގާއިމްކޮށް، އާބާދުކުރުން: ރައީސް

Advertisement

އެންމެ ފަސް

Advertisement

ރަސްމާލޭގެ އިންފްރާސްޓްރަކްޗާ މި ސަރުކާރުގެ ދައުރުގައި ގާއިމް ކުރަން ބޭނުންފުޅުވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

އެމަނިކުފާނު މިހެން ވިދާޅުވީ ވިލިމާލޭގެ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުންނެވެ.

ރައީސް ވިދާޅުވީ އެންމެ ލަސްވެގެން އަންނަ އަހަރުގެ މެއި މަހާ ހަމައަށް ދާއިރު ރަސްމާލެ ހިއްކައި ނިންމޭތޯ މަސައްކަތް ކުރައްވަމުން އަންނަ ކަމަށެވެ. އަދި އެތަން ހިކެން ވާއިރަށް ބިން ލިބޭ 15،000 ފަރާތް ހޮވައި، ލިބޭނެ ބިން ވެސް ކަނޑައަޅައި ފާހަގަކޮށްފައިވާ ކަމަށް ރައީސް ވިދާޅުވި އެވެ.

ރައީސް މުއިއްޒު ވިދާޅުވީ މި ދައުރުގެ ބާކީ އޮތް މުއްދަތުގެ ތެރޭގައި ރަސްމާލޭގައި އިންފްރާސްޓްރަކްޗާ ގާއިމުކުރުމާއި ހުރިހާ ކަމެއް ކުރުމަށް ފަހު، ރައްޔިތުންނަށް އެތަނަށް ގޮސް ގޯތި ގެދޮރު ބިނާކުރުމުގެ ފުރުސަތު ވެސް ހަދައިދެއްވަން ބޭނުންފުޅުވާ ކަމަށެވެ.

”އަޅުގަނޑު ބޭނުން ދައުރުގެ ތެރޭގައި ބާކީ މުއްދަތުގެ ތެރޭގައި ދެން އެތަނުގައި އިންފްރާސްޓްރަކްޗާ ގާއިމުކުރުމާއި ހުރިހާ ކަމެއް ކުރުމާއި އެކީގައި ރައްޔިތުންނަށް އެތަނަށް ގޮސް ގޯތި ގެދޮރު ބިނާކުރުމުގެ ފުރުސަތު ވެސް އެތަނުގައި ހަދަން،“ ރައީސް ވިދާޅުވި އެވެ.

މީގެ އިތުރުން ރައީސް ވަނީ ވިލިމާލޭގެ ތަރައްގީއަށް ހިންގުމަށް ހަމަޖެހިފައިވާ ބޮޑެތި މަޝްރޫއުތަކަށް އަލިއަޅުއްވާލައްވާފަ އެވެ. އެގޮތުން ވިލިމާލޭގައި މަލްޓި ސްޕޯޓްސް ކޮމްޕްލެކްސްއެއް ގާއިމް ކުރުމަށް ނިންމަވާފައިވާ ކަމަށް ރައީސް ވިދާޅުވި އެވެ. އެއީ 1،200 މީހުންނަށް ތިބެވޭ ގޮތަށް، ހުރިހާ އިންޑޯ ކުޅިވަރެއް ކުޅެވޭނެ ތަނެކެވެ. އަދި ވިލިމާލޭގެ ފުޓުބޯޅަ ދަނޑުގެ ފެންވަރު މަތިކޮށް ފީފާ ސްޓޭންޑަޑްއަށް ބަދަލު ކުރުމަށް ވެސް ނިންމާފައިވާ ކަމަށާއި އެކަން ބަޖެޓުގައި ހިމަނާފައިވާ ކަމަށް ވިދާޅުވި އެވެ.

ބޯހިޔާވަހިކަމާ ގުޅޭގޮތުން ރައީސް ވިދާޅުވީ ވިލިމާލޭގެ ރައްޔިތުންނަށް ބޯހިޔާވަހިކަން ފޯރުކޮށްދިނުމަކީ އެމަނިކުފާނުގެ ވައުދެއް ކަމަށެވެ. ރައީސް ވައުދުވެވަޑައިގެންނެވީ 500 ފްލެޓް އެޅުމަށް ނަމަވެސް، މިހާރު 300 ފްލެޓް އަޅަނީ އޭގެ ފެށުމެއްގެ ގޮތުން ކަމަށް ވިދާޅުވި އެވެ. މި 300 ހައުސިން ޔުނިޓަކީ ބީއެމްއެލްއިން ހަރަދުކޮށްގެން އަޅާ 3،000 ފްލެޓްގެ ތެރެއިން ހިމެނޭ ޔުނިޓްތަކެކެވެ.

އިތުރު ތަރައްގީގެ މަޝްރޫއުތަކުގެ ތެރޭގައި ވިލިމާލޭގެ މަގުތައް ޒަމާނީ ފެންވަރަކަށް ތަރައްގީ ކުރުމާއި 100 އެނދުގެ ޓާޝަރީ ހޮސްޕިޓަލް އެޅުމުގެ މަސައްކަތް ހިމެނެއެވެ. ރައީސް ވިދާޅުވީ މި މަސައްކަތްތައް ފެށުމަށް ތައްޔާރުވަމުން އަންނަ ކަމަށެވެ.

ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިލިމާލެ

Leave a Reply

Your email address will not be published. Required fields are marked *

ހަބަރާއި ގުޅޭ