މޯލްޑިވިއަނުން އިންޑިއާގެ ކޮޗިން އާއި ޓްރިވެންޑްރަމަށް ހަފްތާއަކު ފަސް ފްލައިޓް ބާއްވަން ނިންމައިފިވާ ކަމަށް ގައުމީ އެއާލައިން މޯލްޑިވިއަންއިން ބުނެފި އެވެ.
މޯލްޑިވިއަނުން ބުނީ ދިވެހިން އެންމެ ގިނައިން ދަތުރުކުރާ އިންޑިއާގެ ދެ މަންޒިލް ކަމަށްވާ ކޮޗިން އާއި ޓްރިވެންޑްރަމަށް ކުރާ ދަތުރުތައް އިތުރު ކުރުމުގެ ގޮތުން އަންނަ މަހުގެ 19 ވަނަ ދުވަހުން ފެށިގެން އެ ދެ ސިޓީއަށް ހަފްތާއަކު ފަސް ފްލައިޓް ބާއްވާނެ ކަމަށެވެ. އެގޮތުން، އާދިއްތަ ދުވަހާއި އަންގާރަ ދުވަސް ފިޔަވައި އެހެން ހުރިހާ ދުވަހަކު ދަތުރުތައް ބާއްވާނެ ކަމަށްވެސް މޯލްޑިވިއަންއިން ބުނެފައިވެ އެވެ.
އެ އެއާލައިނުން މިވަގުތު ކޮޗިން އާއި ޓްރިވެންޑަރަމަށް ހަފުތާއަކު ކުރަނީ ހަތަރު ދަތުރެވެ.
ކޮޗިން އާއި ޓްރިވެންޑްރަމަށް ކުރާ ދަތުރުތައް އިތުރުކުރަން ނިންމިއިރު، ސްރީލަންކާގެ ކޮލަމްބޯއަށް ދަތުރު ކުރުމަށް އަގުހެޔޮ ފެއާއެއް ވެސް މޯލްޑިވިއަން އިން ވަނީ އިއުލާންކޮށްފަ އެވެ.
