މަސްތުވާތަކެތީގެ ވިޔަފާރި ކުރާ ފަރާތްތަކުން އެކަން ހުއްޓާލުމަށް ފަހު އެހެން ކަމެއް ކުރުމަށް ވިދާޅުވެ ހޯމް މިނިސްޓަރު އަލީ އިހުސާން އެ މީހުންނަށް ވަރުގަދަ އިންޒާރެއް ދެއްވައިފި އެވެ.

މިނިސްޓަރު އިހުސާން މިހެން ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ޚާއްސަ އަމުރަކަށް، މަސްތުވާތަކެތީގެ ވިޔަފާރިތަކާ ދެކޮޅަށް މިއަދު ފަތިހު ފުލުހުން ފެށި ’އޮޕަރޭޝަން އަލިމަގު‘ އާ ގުޅޭ ގޮތުން ދައުލަތުގެ މީޑިއާއަށް ދެއްވި އިންޓަވިއުއެއްގަ އެވެ.

މިނިސްޓަރު ވިދާޅުވީ މަސްތުވާތަކެތީގެ ވިޔަފާރި ކުރާ ފަރާތްތަކުން މިއަދުން ފެށިގެން ޖެހޭނީ އެކަން ހުއްޓާލަން ކަމަށާއި އެކަން ކުރުމުގެ ފުރުސަތެއް މިއަދުން ފެށިގެން ނުދޭނެ ކަމަށެވެ. އަދި މިފަދަ އަމަލުތައް ކުރާ ފަރާތްތަކާ ދެކޮޅަށް އެންމެ ހަރުކަށި ފިޔަވަޅު އަޅުއްވާނެކަމަށް މިނިސްޓަރު ވިދާޅުވި އެވެ.

އަޅުގަނޑުމެން އެދޭ އެދުމަކީ މިކަމުގެ މިއުޅޭ ކުދިންވެސް މިކަން ހުއްޓާލާފަ އެހެން ކަމަކައިގެން މިއަދުން ފެށިގެން އުޅެން.

މިނިސްޓަރު ވިދާޅުވީ މަސްތުވާތަކެތީގެ ވިޔަފާރި ކުރާ ފަރާތްތަކާ ދެކޮޅަށް މިއަދުން ފެށިގެން ގިނަ މަސައްކަތްތަކެއް ކުރާނެ ކަމަށާއި މިއަދުން ފެށިގެން އެފަދަ ވިޔަފާރި ކުރާ ފަރާތްތަކަށް ރާއްޖޭގައި އުޅެން އުނދަގޫ ކުރައްވާނެ ކަމަށެވެ.

ޑްރަގުގެ ވިޔަފާރީގައި ބައިވެރިވާ ފަރާތްތަކަށް ޚާއްސަ ކޮށްގެން މިއަދު އޮޕަރޭޝަނެއް ހިންގުމަށް ފުލުހުންނަށް އަންގަވާފައިވާކަން ރައީސް މުއިއްޒު ވަނީ މީގެ ކުރިން ހާމަކުރައްވާފަ އެވެ. އެއްވަގުތެއްގައި ރާއްޖޭގެ 100 އަށްވުރެ ގިނަ ތަންތަން ބަލާ ފާސްކުރެވޭ މި އޮޕަރޭޝަނަކީ، މަސްތުވާތަކެތީގެ ވިޔަފާރީގެ ނެޓްވޯކްތައް ރޫޅާލުމަށް އަމާޒުކޮށްގެން ހިންގާ އޮޕަރޭޝަނެކެވެ.

ފުލުހުން ބުނި ގޮތުގައި މިއަދު ހެނދުނު 05:30 ގައި ފެށި މި އޮޕަރޭޝަންގައި ސްޕެޝަލައިޒްޑް ޑިޕާޓްމަންޓްތަކާއި ރީޖަންތަކުން ވިލަރެސްކުރެވިގެން އެކުލަވާލެވިފައިވާ ޓީމުތަކުން މުޅި ރާއްޖޭގެ 100 އަށްވުރެ ގިނަ ތަންތަނުގައި އެއްވަގުތެއްގައި ތަންތަން ބަލައި ފާސްކުރުމާއި ގާނޫނު ތަންފީޒުކުރުމުގެ އަމަލީ މަސައްކަތްތައް ދަނީ ކުރިއަށް ގެންދަމުންނެވެ.

ފުލުހުން ހާމަކުރާ ގޮތުގައި، ”އޮޕަރޭޝަން އަލިމަގު“ އަކީ ފަހުގެ އަހަރުތަކުގައި އެންމެ ފުޅާ ދާއިރާއެއްގައި ހިންގޭ މަސްތުވާތަކެއްޗާ ދެކޮޅު ހަރަކާތެވެ.

ހޯމް މިނިސްޓަރު އަލީ އިހުސާން ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަސްތުވާތަކެތި ދިވެހި ފުލުހުންގެ ޚިދުމަތް