ހުޅުމާލޭގެ ބައެއް ސަރަހައްދުތަކުން މިއަދު ކަރަންޓު ކެނޑޭނެ ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނެފި އެވެ.
ސްޓެލްކޯ އިން މިއަދު ހާމަކުރި ގޮތުގައި، ހުޅުމާލޭގެ ކަރަންޓު ވިއުގަ އަޕްގްރޭޑް ކުރުމުގެ މަސައްކަތާ ގުޅިގެން މިއަދުގެ މެންދުރުފަހު ހުޅުމާލޭ ފުރަތަމަ ފިޔަވަހީގެ ބައެއް ސަރަހައްދުތަކުން ކަރަންޓު ވަގުތީގޮތުން ކެނޑޭނެއެވެ.
ސްޓެލްކޯއިން ސޯޝަލް މީޑިއާގައި ޙިއްސާކުރި މަޢުލޫމާތުގައިވާ ގޮތުން، މިއަދު މެންދުރުފަހު 14:00 އިން 15:00 އަށް ކަރަންޓު މެދުކެނޑޭނެ ސަރަހައްދުތަކުގެ ތެރޭގައި ނިރޮޅު މަގު، ކާނި މަގު، ލަންސިމޫ މަގު އަދި އަސުރުމާ ހިނގުން ހިމެނެއެވެ.
މީގެއިތުރުން، ނިރޮޅު މަގު ގޯޅި 17، 18، އަދި 19 ގެ އިތުރުން ޗަނބޭލީ މަގު ގޯޅި 4 އަދި 5 ހިމެނޭ ސަރަޙައްދުތަކުންވެސް ކަރަންޓުގެ ޚިދުމަތް މެދުކެނޑޭނެ ކަމަށް އެ ކުންފުނިން ބުނެފައިވެއެވެ.
ސްޓެލްކޯއިން ފާހަގަކުރި ގޮތުގައި މިއީ މާލެ އާއި ހުޅުމާލޭގެ ކަރަންޓު ވިއުގަ އަޕްގްރޭޑް ކުރުމުގެ މަސައްކަތުގެ ތެރެއިން ކުރިއަށްގެންދާ މަސައްކަތެކެވެ. އަދި މި މަސައްކަތާ ގުޅިގެން އާންމުންނަށް ކުރިމަތިވެދާނެ ދަތިތަކަށް އެ ކުންފުނިން ވަނީ މަޢާފަށް އެދިފައެވެ.
ކަރަންޓު މެދުކެނޑޭ ވަގުތުތަކުގައި އެ ސަރަހައްދުތަކުގެ ރައްޔިތުން އެކަމަށް ތައްޔާރުވެ ތިބުމަށް ސްޓެލްކޯއިން އިލްތިމާސްކޮށްފައިވެއެވެ.
