ތައިލެންޑު އަދި ކެމްބޯޑިއާއިން ހަމަލާ ބަދަލުކުރުން ހުއްޓާލަން އެއްބަސްވެއްޖެ

Advertisement

އެންމެ ފަސް

Advertisement

ތައިލެންޑް އަދި ކެމްބޯޑިއާއިން ހަމަލާތައް ބަދަލުކުރުން ހުއްޓާލަން އެއްބަސްވެއްޖެ އެވެ.

ތައިލެންޑާއި ކެމްބޯޑިޔާގެ ބޯޑަރުގެ މައްސަލައިގައި ހަމަލާތައް ބަދަލުކުރަމުންދާއިރު، ތައިލެންޑްގެ ވަގުތީ ބޮޑުވަޒީރު އަދި ކެމްބޯޑިއާގެ ބޮޑުވަޒީރު ވަނީ މެލޭޝިޔާގައި ހަމަލާތައް ބަދަލުކުރުމާއި ގުޅޭގޮތުން މަޝްވަރާތައް ކޮށްފަ އެވެ. މި މަޝްވަރާތައް ކުރިއަށް ގެންގޮސްފައިވަނީ މެލޭޝިއާގެ ބޮޑުވަޒީރު އަންވަރު އިބްރާހިމް މެދުވެރިއެއްގެ ގޮތުގައި ބައިވެރިވެގެންނެވެ.

މަޝްވަރާތަކަށްފަހު އަންވަރު ވިދާޅުވީ، ދެ ގައުމުންވެސް މިރޭ 12:00 އިން ފެށިގެން ހަމަލާތައް ބަދަލުކުރުން ހުއްޓާލުމަށް އެއްވެސް ޝަރުތަކާނުލާ އެއްބަސްވެފައިވާ ކަމަށެވެ. އަދި މިއީ ސަރަހައްދުގެ އަމާންކަމާއި ރައްކާތެރިކަމަށް ކުރިއަށްއެޅޭ ފިޔަވަޅެއްކަން ފާހަގަކުރެއްވި އެވެ.

ދެގައުމުގެ އިމުގެ މައްސަލައިގައި ހަމަލާތައް ބަދަލުކުރަން ފެށިއިރު، މިހާތަނަށް 35 މީހަކު މަރުވެފައިވާ ކަމަށް ބޭރު މީޑިއާތަކުން ރިޕޯޓު ކޮށްފައިވެ އެވެ. އަދި ދެ ގައުމުންވެސް ރައްކާތެރި ހިސާބުތަކަށް 270،000 އަށްވުރެ ގިނަ މީހުން ބަދަލުވެފައިވާ ކަމަށް ރިޕޯޓު ކޮށްފައިވެ އެވެ.

ކެމްބޯޑިޔާ ތައިލެންޑް

Leave a Reply

Your email address will not be published. Required fields are marked *

ހަބަރާއި ގުޅޭ