ތައިލެންޑާއި ކެމްބޯޑިޔާއާ ދެމެދު ހިންގަމުންދާ ހަމަނުޖެހުންތަކާ ގުޅިގެން ތައިލެންޑްގެ ބައެއް ސަރަހައްދުތަކުގައި މާޝަލް ލޯ އިއުލާނުކޮށްފި އެވެ.
ތައިލެންޑްގައި މާޝަލް ލޯ އިއުލާނުކޮށްފައިވަނީ އެ ގައުމުގެ 8 ޑިސްޓްރިކްޓެއްގަ އެވެ. މި ޑިސްޓްރިކްޓްތަކަކީ ކެމްބޯޑިއާގެ ބޯޑަރާއި ކައިރި ސަރަހައްދުތަކެވެ.
ކެމްބޯޑިޔާއާއި ތައިލެންޑާއި ދެމެދު ހިނގަމުންދާ ހަމަނުޖެހުންތަކާ ގުޅިގެން ތައިލެންޑުންވަނީ ބޯޑަރު ސަރަހައްދުގައިވާ 6 ނެޝަނަލް ޕާކެއްވެސް ބަންދުކޮށްފަ އެވެ.
ދެގައުމުގެ އިމުގެ މައްސަލައިގައި ހަމަނުޖެހުންބޮޑުވެފައިވާއިރު، މިފަހުގެ ހަަމަނުޖެހުން ފެށުނީ އިއްޔެ އެވެ. އިއްޔެވެސް ދެ ގައުމުގެ އަސްކަރިއްޔާއިން ވަރުގަދަ ހަމަލާތަކެއް ބަދަލުކޮށްފައިވާއިރު، މިއަދުވެސް ވަނީ ހަމަލާތައް ބަދަލުކޮށްފަ އެވެ.
ބޭރު މީޑިއާތަކުން ރިޕޯޓު ކޮށްފައިވާގޮތުގައި މި ހަމަލާތަކުގައި މިހާތަނަށް 15 މީހަކު މަރުވެފައިވާއިރު، މަރުވި މީހުންގެ ތެރެއިން ގިނައީ އާއްމުންނެވެ.
