ހުޅުމާލޭގައި އިމާރާތްކުރާ ”ޖަސްޓިސް ބިލްޑިން އެނެކްސް“ އަންނަ އާދީއްތަ ދުވަހު ހުޅުވުމަށް މަސައްކަތްކުރަމުންދާކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ)އިން ހާމަކޮށްފި އެވެ.
މައުލޫމާތު ލިބިފައިވާ ގޮތުގައި ހުޅުމާލޭގައި އިމާރާތްކުރާ ”ޖަސްޓިސް ބިލްޑިން އެނެކްސް“ ހުޅުވުމަށް މަސައްކަތްކުރަމުންދަނީ މިމަހުގެ ފަހުކޮޅު އެވެ. އެގޮތުން އަންނަ އާދިއްތަ ދުވަހު މި އިމާރާތް ހުޅުވުމަށް މަސައްކަތްކުރަމުންދާކަމަށް މައުލޫމާތު ދީފައިވެ އެވެ.
މި އިމާރާތުގައި ކްރިމިނަލް ކޯޓު އަދި ޑްރަގް ކޯޓު ހިންގުމަށް ހަމެޖެހިފައިވާއިރު، ޑްރަގް ކޯޓަށް ހާއްސަ 5 ކޯޓު ރޫމް އަދި ކްރިމިނަލް ކޯޓަށް ހާއްސަ 10 ކޯޓު ރޫމް ހުންނާނެ ކަމަށް ޑީޖޭއޭއިން މައުލޫމާތުދީފައިވެ އެވެ.
މި އިމާރާތާއި ގުޅޭގޮތުން މީގެކުރިން ޑީޖޭއޭއިން ބުނެފައިވަނީ، މި އިމާރާތް ބޭނުންކުރަން ފެށުމުން ކްރިމިނަލް ކޯޓު އަދި ޑްރަގް ކޯޓަށް ދިމާވެފައިވާ ޖާގައިގެ ދަތިކަމަށް ހައްލެއް ލިބޭނެ އެވެ. އަދި މި ކޯޓު ރޫމްތަކަކީ ޖާގައިގެ ގޮތުން ތަނަވަސް ތަންތަނަށް ވުމުން، ޝަރީއަތްތައް ހިންގުމަށާއި މުވައްޒަފުންނަށް ޖާގައިގެ ތަނަވަސްކަން ލިބޭނެ ކަމަށް މައުލޫމާތު ދީފައިވެ އެވެ.
ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)އާ ހަވާލުކޮށްގެން ކުރިއަށްގެންދާ މި މަސައްކަތުގައި މިހާރު ކުރަނީ ކޯޓު އިމާރާތް ހުޅުވުމުގެ އެންމެ ފަހުގެ މަސައްކަތްތަކެވެ.
މި އިމާރާތް ހުޅުވުމާއެކު މާލޭގައި ހިންގާ ޑްރަގް ކޯޓާއި ކްރިމިނަލް ކޯޓުގެ ހިންގުން މި އިމާރާތަށް ބަދަލުކުރާނެ އެވެ. ކްރިމިނަލް ކޯޓު އަދި ޑްރަގް ކޯޓަށް ޖާގައިގެ ދަތިކަން ދިމާވެފައިވާ މައްސަލަ ބޮޑުގެ އެކަމުގެ ކަންބޮޑުވުން އަބަދުވެސް ފާޅުކުރެ އެވެ.
ކްރިމިނަލް ކޯޓު ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) ޑްރަގް ކޯޓު
