އީދު ދުވަހާ ގުޅިގެން މިއަދު ހަވީރު ގްރޭޓާ މާލެ ސަރަހައްދުގައި އުޅަނދު ދުއްވުން މަނާ ކުރުމަށް ފަހު ހުޅުމާލޭގައި އުޅަނދު ދުއްވުމުގެ ހުއްދަ ދީފި އެވެ.
މާލެ ސިޓީ ކައުސިލުން އިއްޔެ ގެޒެޓު ކުރި އިއުލާނެއްގައި ބުނެފައިވަނީ ފިޠުރު ޢީދު ދުވަސް ފާހަގަ ކުރުމުގެ ގޮތުން ޢީދު ދުވަހުގެ ހަވީރު 16:00 އިން 18:00 އަށް މާލެ، ވިލިމާލެ އަދި ހުޅުމާލޭގައި ހިމެނޭ ޢާންމު ހުރިހާ މަގުތަކަކީ ވެހިކަލް ނުދުއްވާ ސަރަހައްދުތަކެއްގެ ގޮތުގައި ހަމަޖެއްސުމަށް 13 ޖޫން 2024 ވަނަ ދުވަހު ބޭއްވުނު މާލޭ ސިޓީ ކައުންސިލްގެ 04 ވަނަ ދައުރުގެ 150 ވަނަ ރަސްމީ އާންމު ބައްދަލުވުމުގައި ނިންމާފައިވާ ކަމަށެވެ.
މާލެ ސިޓީ ކައުސިލުން މިއަދު އެކްސްގައި ކުރި ޕޯސްޓެއްގައި ބުނެފައިވަނީ ފިތުރު ޢީދާއި ގުޅިގެން މިއަދު ހަވީރު 16:00- 18:00 އަށް ހިނގާފައި އުޅެން މިހާރު ކައުންސިލުން ނިންމާފައިވަނީ މާލެ އާއި ވިލިމާލޭގައި އެކަނި ކަމަށެވެ.
އުޅަނދު ދުއްވުން މަނާ ވަގުތުގައި އިމަޖެންސީ ޙާލަތުގައި ދަތުރުކުރާ ވެހިކަލްތަކަށް ދޫކުރާ ޚާއްޞަ ސްޓިކަރ މާލެ ސިޓީ ކައުސިލުން ވަނީ މިއަދު ހެނދުނު 08:00 އިން 14:00 އަށް ދޫކޮށްފަ އެވެ.
