ޅ. ނައިފަރު ގުރުއާން ލާނިން ސެންޓަރު ތަރައްގީކުރުމަށް ވަގުފް ފަންޑުން އެހީ ފޯރުކޮށްދިނުމަށް ނިންމައިފި އެވެ.
އެގޮތުން އިސްލާމިކް މިނިސްޓަރު ޑރ. ޝަހީމް އަލީ ސައީދު އެކްސްގައި ކުރެއްވި ޕޯސްޓެއްގައި ވިދާޅުވީ، ގިނަ ކުދިންތަކެއް ގުރުއާން ހިތުދަސްކުރި، ޅ. ނައިފަރުގެ ގުރުއާން ލާނިން ސެންޓަރު ތަރައްގީ ކުރުމަށް ބޭނުންވާ ވަސީލަތްތައް ހޯދުމަށް އެދިފައިވާ ކަމަށެވެ.
ނައިފަރު ގުރުއާން ސެންޓަރުގެ ގިނަ އަދަދެއްގެ ދަރިވަރުން ވަނީ މި ފަހުން ބޭއްވި ހާފިޒުންގެ ދަސްވެނިމުގައި ވެސް ސަނަދު ހާސިލްކޮށްފައެވެ. މި ސަރުކާރުން އިސްލާމީ ތަންތަނާއި ގުރުއާނާއި ދީން މި ޖީލްގެ ކުދިންނަށް އުނގައްނައި ދިނުމަށް ވަރަށް ހާއްސަ އަހައްމިއްޔަތު ކަމެއް ދަނީ ދެމުންނެވެ. އެގޮތުން ސަރުކާރަށް އެއް އަހަރުގެ ތެރޭގައި ގިނަ އަދަދެއްގެ ހާފިޒުންނާއި އިމާމުން ވެސް ވަނީ ތަމްރީންކޮށްފައެވެ.
އެހެންކަމުން އެ ސެންޓަރަށް ބޭނުންވާ ވަސީލަތްތައް ހޯދައިދިނުމަށް މިނިސްޓްރީގެ އިސްލާމީ ވަގުފު ފަންޑުން އެހީ ފޯރުކޮށްދިނިމަށް ވަނީ ނިންމާފައި ކަމަށް މިނިސްޓަރު ވިދާޅުވިއެވެ.
އިސްލާމް ދީން ކުރިއަރުގައި ކުދިންގެ ހިތުގައި ދީނީ ލޯބި ޖެއްސުމަކީ މި ސަރުކާރުގެ ވަރަށް ބޮޑު އަމާޒެކެވެ.
