މިޔަންމާ ބިންހެލުން: އުރީދޫން ތައިލެންޑަށް ހިލޭ ގުޅޭ ގޮތް ހަދައިފި

Advertisement

އެންމެ ފަސް

Advertisement

މިޔަންމާއަށް މިއަދު އައި ބިންހެލުމާއި ގުޅިގެން ގެއްލުންތަކެއް ލިބުނު ތައިލެންޑަށް ހިލޭ ގުޅޭގޮތް އުރީދޫން ހަދައިފި އެވެ.

އުރީދޫން ބުނީ މިއަދު ތައިލޭންޑަށް އައި ބިން ހެލުމާއި ގުޅިގެން އުރީދޫ މެދުވެރިކޮށް ތައިލޭންޑަށް ގުޅުން މިރޭ މެންދަމު 12 ޖެހުމާއި ހަމައަށް އެއްވެސް އަގެއް ނުނެގުމަށް ހަމަ ޖެހިފައިވާ ކަމަށެވެ.

އިންޑިއާގެ ބިންހެލުންތައް މޮނިޓަރ ކުރާ އިދާރާއިން ބުނެފައިވާ ގޮތުގައި މިޔަންމާއަށް ގިނަ ބިންހެލުންތަކެއް ވަނީ އައިސްފައެވެ. 5.0 އިން 7.0 އާއި ދެމެދުގެ ބިންހެލުންތައް އައިސްފައިވާއިރު، އެ އިދާރާއިން ބުނި ގޮތުގައި އެންމެ ބާރު ބިންހެލުމަކީ 7.2 މެގްނިޓިއުޑް ބާރުމިނުގައި އައިސްފައިވާ ބިންހެލުމެކެވެ. ނަމަވެސް އެމެރިކާއާއި ޗައިނާގެ ބިންހެލުންތައް މޮނިޓަރ ކުރާ އިދާރާތަކުން ބުނީ ބިންހެލުން އައިސްފައިވަނީ 7.7 މެގްނިޓިއުޑް ބާރުމިނުގައި ކަމަށެވެ.

ތައިލެންޑަކީ ގިނަ އަދަދެއްގެ ދިވެހިން ގޮސް އުޅޭ އަދި ދިރިއުޅެމުންދާ ގައުމެކެވެ. ހާއްސަކޮށް ގެއްލުންތަކެއް ލިބުނު ބެންކޮކްގައި ގިނަ އަދަދަކަށް ދިވެހިން އުޅެއެވެ. ނަމަވެސް ކަމާއި ގުޅުން ހުރި އިދާރާތަކުން ވަނީ މި ބިންހެލުމާއި ގުޅިގެން ދިވެއްސަކަށް ގެއްލުމެއް ލިބިފައިވާ ކަމުގެ މައުލޫމާތު މިހާތަނަށް ލިބިފައި ނުވާ ކަމަށް ވިދާޅުވެފައެވެ. މިބިންހެލުމުގެ އަސަރު ބެންކޮކަށް ކޮށްފައިވާއިރު، އެހިސާބުގެ ބައެއް އިމަރާތްތައް ވަނީ ވެއްޓިފައެވެ.

މިވަގުތުގައި އާއިލާއި ރައްޓެހިންގެ ހާލު ބެލުމަށް ފަސޭހަވެގެން ދާނެކަމަށް އުއްމީދުކުރާކަމަށް އުރީދޫއިން ބުނެފައި ވެއެވެ.

އުރީދޫ ތައިލެންޑް

Leave a Reply

Your email address will not be published. Required fields are marked *

ހަބަރާއި ގުޅޭ