ރާއްޖެޓީވީގެ ޕްރޮގްރާމެއްގައި އޯޓިސްޓިކް ކުދިންނާއި ޑައުންސިންޑްރަމް ހުންނަ ކުދިންނާއި ގުޅުވައި، ރައީސް ޑރ. މުހައްމަދު މުއިއްޒުއަށް ނިސްބަތްކޮށް ދެއްކި ވާހަކަތަކަށް ކުރީގެ ނައިބު ރައީސް ފައިސަލް ނަސީމު ފާޑުވިދާޅުވެއްޖެ އެވެ.
ރާއްޖޭޓީވީގެ ޕްރޮގްރާމެއްގައި ދެއްކި މިވާހަކަތަކާ ގުޅިގެން ފައިސަލް ސޯޝަލްމީޑިއާގައި ކުރެއްވި ޕޯސްޓެއްގައި ވަނީ، ނުކުޅެދުންތެރިކަން ހުންނަ ފަރާތްތަކަށް ފުރައްސާރަކުރުން ހަރުކަށި އިބާރާތުން ކުއްވެރިކުރައްވާ ކަމަށް ވިދާޅުވުފަ އެވެ.
ފައިސަލް ވިދާޅުވީ މީހުންގެ ނުކުޅެދުންތެރިކަމަކީ އެއިން މިސާލު ޖެހޭނެ ކަމެއްނޫން ކަމަށެވެ. އަދި އެއީ ތަހުޒީބު މުޖުތަމަޢެއްގައި ބަލައިގަންނާނެ ކަމެއްވެސް ނޫން ކަމަށް ވިދާޅުވި އެވެ.
”ލޯތްބާއި ކުލުނާއި އޯގާތެރިކަމާއި އިޙްތިރާމް އިސްކުރައްވާ!“ ފައިސަލް ވިދާޅުވި އެވެ.
ރާއްޖޭޓީވީގެ ޕްރޮގްރާމެއްގައި މިފަދަ ވާހަކަތަކެއް ދައްކާފައިވަނީ، ކުރީގެ ކާނަލް އަހްމަދު ފަޔާޒު އަލީ (ޕާޕާ) އަދި ނޮޅިވަރަމް ދާއިރާގެ ކުރީގެ މެންބަރު މުހައްމަދު ނަޝީދު އަބްދުﷲ (މޮސްޓާ) އެވެ. މި ވާހަކަތަކަށް ގިނަބައެއްގެ ފާޑުކިޔުންވަނީ އަމާޒުވެފަ އެވެ.
ބްރޯޑްކާސްޓިން ކޮމިޝަނުން ވެސް ވަނީ މިމައްސަލަ ބަލާނެކަން ހާމަކޮށްފަ އެވެ.
ރާއްޖެޓީވީ ކުރީގެ ނައިބު ރައީސް ފައިސަލް ނަސީމް މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)
