ރާއްޖެ ޓީވީން ދެއްކި ލަވައެއްގެ މައްސަލަ ބްރޯޑްކޮމް އިން ބަލަނީ

Advertisement

އެންމެ ފަސް

Advertisement

ރާއްޖެ ޓީވީން ފާއިތުވި މަހު ގެނެސްދިން ޚާއްސަ ކަވަރޭޖެއްގައި ހިމެނުނު ލަވައެއްގެ މައްސަލަ މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން ބަލަން ފަށައިފި އެވެ.

ބްރޯޑްކޮމްގެ ލީގަލް އެފެއާޒް ޑިރެކްޓަރު އައިޝަތު ހާދިޔާ މުހައްމަދު ސޮއިކޮށް ރާއްޖެ ޓީވީއަށް ފޮނުވި ސިޓީއެއްގައި ބަޔާންކޮށްފައިވަނީ، ޖެނުއަރީ 26 ވަނަ ދުވަހު ގެނެސްދިން ”ފުދިއްޖެ، ފުނޑިއްޖެ“ ޚާއްސަ ކަވަރޭޖަށް ތައްޔާރުކުރި ”ދިވެހިން ހަމަ ފުނޑިއްޖެއޭ، މިވަރުން ދެން ފުދިއްޖެއޭ“ މި ލަވައިގެ މައްސަލަ ބަލަމުންދާ ކަމަށެވެ.

މި މައްސަލައާ ގުޅިގެން ވަކިގޮތެއް ކަނޑައަޅަންދެން އެ ކޮންޓެންޓް ރައްކާކޮށް ބެހެއްޓުމަށް ބްރޯޑްކޮމުން ރާއްޖެ ޓީވީއަށް އިލްތިމާސްކޮށްފައިވެ އެވެ.

ބްރޯޑްކޮމް އިން މައްސަލަ ބަލާއިރު، އެ ކޮމިޝަންގެ ނައިބު ރައީސް މުހައްމަދު ފަޒީނާއި އެ ކޮމިޝަނުގެ މެމްބަރު އައިމިނަތު ނުޒުހާއަކީ ރާއްޖެ ޓީވީގެ ކުރީގެ ނޫސްވެރިނެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި ރާއްޖެ ޓީވީ ދެ މިލިއަން ރުފިޔާއިން ޖޫރިމަނާކުރި ނަމަވެސް، ފަހުން ބްރޯޑްކޮމުން އެ ޖޫރިމަނާ ބާތިލުކޮށްފައިވާކަން ފާހަގަކުރެވެއެވެ. އެ ޖޫރިމަނާގެ ފައިސާ ހޯދުމަށް ރާއްޖެ ޓީވީން ފަންޑެއް ހުޅުވާފައިވެސް ވެއެވެ.

ރާއްޖެޓީވީ މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)

Leave a Reply

Your email address will not be published. Required fields are marked *

ހަބަރާއި ގުޅޭ