ތޫނު އެއްޗަކުން ބިރުދައްކައި ބިދޭސީއެއްގެ އަތުން ފޭރުނު 3 މީހަކު މިއަދު ފުލުހުން ހައްޔަރުކޮށްފި އެވެ.
ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނެފައި ވަނީ، ބިދޭސީއެއްގެ އަތުން ފޭރުނު މައްސަލައިގެ ރިޕޯޓް ލިބިފައިވަނީ ރޭ 22:14 ހާއިރު ކަމަށެވެ.
އެ މައްސަލައާއި ގުޅިގެއް ފުލުހުންގެ ބެލުމުގެ ދަށަށް ގެނެވުނު 3 މީހުންނަކީ:
- ސ. ހިތަދޫ، އައްޒާ، މުބާރިކު މުހައްމަދު (34އ)
- ޏ. ފުވައްމުލައް، ދިގުވާނޑު/ ގުރަހާގެ، އަހުމަދު ފަޔާޒް (30އ)
- ޏ. ފުވައްމުލައް، ދިގުވާނޑު/ ކައިރުގެ، އަހުމަދު ނަދީފް (36އ)
ފުލުހުން ބުނީ އެ 3 މީހުން އަތުލައިގަތީ ނޯތު ހާބަރުގެ ސަރަހައްދުން ކަމަށެވެ.
އެ މީހުން ފޭރިފައި ވަނީ 1000 ރުފިޔާ، 10 ޔޫރޯ، 10 ބަންގްލަދޭޝް ޓާކާ، 20 ސްރީލަންކަން ރުފީ، 500 އިންޑިއަން ރުފީ އަދި 2 ސިންގަޕޫރު ޑޮލަރެވެ. ހައްޔަރުކުރި މީހުން އަތުން 1000 ދިވެހި ރުފިޔާ އާއި 20 ސްރީލަންކަން ރުޕީ އަދި 2 ސިންގަޕޫރު ޑޮލަރު ފެނިފައިވެ އެވެ.
ފުލުހުން އިތުރަށް ބުނެފައި ވަނީ، އެ މައްސަލަ އިތުރަށް ބަލަމުން ގެންދާ ކަމަަށެވެ.