ތ. އަތޮޅުން ފެށިގެން ގދ. އަތޮޅާއި ހަމައަށް ރީނދޫ ސަމާލު ނެރެފި އެވެ.
ރީނދޫ ސަމާލު ނެރެފައިވަނީ މިއަދު ހެދުނު 09.30 އިން ފެށިގެން 13.30 އާއި ހަމައަށް ކަމަށް މެޓް އޮފީހުން ބުނެ އެވެ. އަދި މެޓް އޮފީހުން ބުނާގޮތުގައި ބޯކޮށް ވާރޭ ވެހުމާއި އެކު ގުގުރާާނޭ ކަމަށާއި އަދި ވިލާގަނޑުގައި ގަނޑިއަކު 40 މޭލަށް ވައި ޖެހޭނޭ ކަމަށް ވެސް މެޓް އޮފީހުން މައުލޫމާތުދެ އެވެ. އަދި ހަމަ އެހެންމެ ކަނޑުގަދަވާނޭ ކަމަށް ވެސް ލަފާ ކުރެވޭ ކަމަށެވެ.
މޫސުން ގޯސްވުމާ ގުޅިގެން ދަތުރުފަތުރު ކުރާ ފަރާތްތަކުން ސަމާލުކަން ދިނުމަށް މެޓް އޮފީހުން އިލްތިމާސް ކޮށްފައިވެ އެވެ. އަދި ހަމަ އެހެންމެ މެޓް އޮފީހުން ބުނާގޮތުގައި މި މޫސުމީ ބަދަލުތަކުގެ ސަބަބަކީ ރާއްޖޭގެ އިރުން ހުޅަނގުދެކުނު ބޭ އޮފް ބެންގާލްގައި ކޮޅިގަނޑެއް އުފެދިފައިވުން ކަމަށް މެޓް އޮފީހުން ބުނެފައިވެ އެވެ.
