އާޓިފިޝަލް ބީޗުގައި މިރޭ ބިދޭސީންތަކެއްގެ މެދުގައި މާރާމާރީއެއް ހިނގައިފި އެވެ.
ފުލުހުން މިރޭ މީޑިއާތަކަށް ފޮނުވި މެސެޖެއްގައި ބުނެފައިވާ ގޮތުގައި، މި މައްސަލަ ފުލުހުންނަށް ރިޕޯޓުކޮށްފައިވަނީ މިރޭ 20:30 އެހާކަންހާއިރު އެވެ. އަދި މާރާމާރީގެ މަންޒަރު ރެކޯޑުކުރަން އުޅުނު ދިވެއްސަކަށްވެސް އަނިޔާވެފައިވާ ކަމަށް ފުލުހުން މަޢުލޫމާތު ދިނެވެ.
މި ހާދިސާއާ ގުޅިގެން އިންޑިއާއަށް ނިސްބަތްވާ ތިން ފިރިހެނަކު ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.
ފުލުހުން އިތުރަށް ބުނެފައިވަނީ މި މައްސަލަ އިތުރަށް ތަޙުޤީޤުކުރަމުން ގެންދާ ކަމަށެވެ.
މިއީ އާޓިފިޝަލް ބީޗުގައި ހިނގާފައިވާ ފުރަތަމަ މާރާމާރީ ނޫނެވެ. މީގެ ކުރިންވެސް މި ސަރަޙައްދުގައި ބިދޭސީންތަކެއް ހިންގި މާރާމާރީއެއްގައި ކުޑަކުއްޖަކަށް އަނިޔާވެފައިވާކަން ފާހަގަކުރެވެ އެވެ.
