މިއަހަރު ތެރޭ ރާއްޖެއަށް ފުރަތަމަ ކްރޫޒް ޝިޕް ޒިޔާރަތްކޮށްފި އެވެ.
ރާއްޖެ އިން ވަނީ 2،139 ފަތުރުވެރިން ގޮވައިގެން އިޓަލީގެ ދިދަ ޖަހާފައިވާ ކްރޫޒް ޝިޕް އައިޑާ އަށް ރޭ މަރުހަބާ ކިޔާފަ އެވެ. ސްވިޒަލޭންޑް، އޮސްޓްރިއާ، އަދި ޖަރުމަނުގެ ޒިޔާރަތްތެރިންނަށް އޮޕަރޭޓްކުރާ މި އުޅަނދަކީ އޮމާންގެ މަސްކަޓުން ރާއްޖެއަށް އައިސްފައިވަނީ 2024 ވަނަ އަހަރުގެ ޑިސެމްބަރު މަހުގެ 8 ވަނަ ދުވަހު އެވެ.
މިއީ މޯލްޑިވްސް އެސޯސިއޭޝަން އޮފް ޔޮޓް އޭޖެންޓްސް (މާޔާ) ގެ އެދުމުގެ މަތިން ރެގިއުލޭޓަރީ ބަދަލުތައް ގެނައުމަށް ފަހު ރާއްޖެއަށް ދަތުރުކުރަން ހުއްދަ ލިބުނު ފުރަތަމަ ކްރޫޒް ޝިޕް ޒިޔާރަތެވެ.
އައިޑާ އައުމުން ލޯކަލް އިގްތިސާދަށް ބޮޑު ކުރިއެރުމެއް ލިބިގެންދާނެ ކަމަށް ބެލެވެ އެވެ. ކްރޫޒް ޝިޕްތަކުން ޒިޔާރަތްކުރާ މީހުން ގިނަވުމުން ކުދި ވިޔަފާރިތަކަށް ހެޔޮ އަސަރުތަކެއް ކުރާނެ ކަމަށާއި އޭގެ ތެރޭގައި ރެސްޓޯރެންޓްތަކާއި ފިހާރަތަކާއި ގެސްޓް ހައުސްތަކާއި މާލޭ އަދި ހުޅުމާލޭގެ ރީޓެއިލް އައުޓްލެޓްތައް ހިމެނެ އެވެ. ފަތުރުވެރިކަމުގެ މި ކުރިއެރުމަކީ މި ދާއިރާގެ ކުރިއެރުމަށް ބޮޑު ދައުރެއް އަދާކޮށް، މި ސަރަހައްދުގެ ޕްރިމިއާ ކްރޫޒް މަންޒިލެއްގެ ގޮތުގައި ރާއްޖެ ފާހަގަކުރެވިގެންދާނެ ކަމެއް ކަމަށް ބެލެވެ އެވެ.
އައިޑާ އައުމަކީ ފަތުރުވެރިކަމުގެ ހުށަހެޅުންތައް ފުޅާކޮށް ތަފާތުކުރުމަށް ރާއްޖެއިން ކުރަމުންދާ މަސައްކަތުގެ މައްޗަށް އަލިއަޅުވާލާ ކަމެކެވެ. ދިވެހި އިގްތިސާދު ހަރުދަނާކުރުމުގެ އިތުރުން، މި ކުރިއެރުމަކީ، ރާއްޖޭގެ ޖުމްލަ އިގްތިސާދީ ކުރިއެރުމަށް ފައިދާހުރި، ފޮރިން ރިޒާވް އިތުރުކުރުމަށް މަގުފަހިކުރުމަށް ލިއްބައިދޭ ކުރިއެރުމެއް ކަމަށް އެމްއެމްޕީއާރްސީ އިން ބުނެ އެވެ.
މި އުޅަނދު ރާއްޖެއިން ފުރުމަށް ހަމަޖެހިފައިވަނީ ޑިސެމްބަރ 9 ވަނަ ދުވަހުގެ ހަވީރު 6 ޖަހާއިރު އެވެ.
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ)
