ތިލަމާލެ’ބްރިޖުގެ ތަނބު އިންސްޓޯލް ކުރުމުގެ މަސައްކަތް މި ހަފްތާގައި ފެށުމަށް ހަމަޖެހިފައިވާތީ، ގުޅީފަޅު އާއި ތިލަފުށީ ޗެނަލާ ދެމެދު ދަތުރު ނުކުރުމަށް މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ އިން އިލްތިމާސްކޮށްފި އެވެ.
މިނިސްޓްރީން މިހެން ބުނެފައިވަނީ މި ހަފްތާގެ ބުރާސްފަތި ދުވަހުން ފެށިގެން މާލެ-ތިލަފުށީ ލިންކް އިނިޝިއޭޓިވްގެ ތެރެއިން އެސަރަހައްދުގައި ތަނބުތައް ހަރުކުރާނެކަން ކަށަވަރުކޮށްދީ، އެކްސްގައި އަންގާރަ ދުވަހު ކުރި ޕޯސްޓެއްގަ އެވެ.
ބުރާސްފަތި ދުވަހުން ފެށިގެން އެ ސަރަހައްދގައު ކަނޑުދަތުރު ކުރުން ބަންދުވާނެ ކަމަށް މިނިސްޓްރީ އިން ބުންޏެވެ.
މިކަމުގެ އިތުރުން ބްރިޖް ތަރައްގީ ކުރުމުގެ މަސައްކަތުގެ ތެރެއިން މާލެ-ވިލިމާލެ އަދި ވިލިމާލެ-ގުޅިފަޅު ކަނޑުގެ ސަރަހައްދު ވެސް މިހާރު ބަންދުކޮށްފައިވާ ކަމަށް ވެސް މިނިސްޓްރީން ބުނެފައި ވެއެވެ.
މީގެ ކުރިން އޮކްޓޯބަރު މަހުގެ ކުރީކޮޅު މިނިސްޓަރު އޮފް ކޮންސްޓްރަކްޝަން އެންޑް އިންފްރާސްޓްރަކްޗާ، ޑރ. އަބްދުﷲ މުއްތަލިބު ވަނީ ތިލަމާލެ ބްރިޖް މްޝްރޫއުގެެ 45.8 އިންސައްތަ މަސައްކަތް ނިމިފައިވާ ކަމަށް ބުނެފަ އެވެ.
ރައީސް ޑރ. މުޙައްމަދު މުޢިއްޒު މީގެ ކުރިން ވިދާޅުވެފައި ވަނީ މި މަސައްކަތް 2026 ވަނަ އަހަރު ނިމޭނެ ކަމަށް ލަފާކުރެވޭ ކަމަށެވެ.
މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ ތިލަމާލެ ބްރިޖް
