އުރީދޫ މޯލްޑިވްސްގެ އާންމު ޖަލްސާ ޑިސެމްބަރު މަހުގެ 15 ވަނަ ދުވަހުގެ ރޭ 8:00 އަށް ތާވަލުކޮށްފި އެވެ.
މި ބައްދަލުވުން އޮންނާނީ އޮންލައިންކޮށް މޯލްޑިވްސް ސެކިއުރިޓީޒް ޑިޕޮސިޓަރީ ކޮމްޕެނީ ޕްރައިވެޓް ލިމިޓެޑް (އެމްއެސްޑީ)ގެ އޮންލައިން ޖެނެރަލް މީޓިން މެނޭޖްމަންޓް ސިސްޓަމް ’ފަހިވޯޓް‘ މެދުވެރިކޮށެވެ.
އުރީދޫ އިން ބުނީ ޑިސެމްބަރު 13 ވަނަ ދުވަހުގެ ރޭ 8:00 އާ ހަމައަށް އެމްއެސްޑީގެ އޮންލައިން ސިސްޓަމް އިންފިނިޓީ މެދުވެރިކޮށް ރަޖިސްޓްރީ ކުރާ ފަރާތްތަކަށް މި ބައްދަލުވުމުގައި ބައިވެރިވެވޭނެ ކަމަށެވެ.
ބައްދަލުވުމުގެ އެޖެންޑާ
* ކީރިތި ޤުރުއާން ކިޔެވުން
* ޗެއާޕާސަން ފާތިމަތު ސުލްޠާން އަލް ކުވާރީގެ ވާހަކަފުޅު
* މެނޭޖިންގ ޑިރެކްޓަރ އަދި ސީއީއޯ ޚާލިދު ޙަސަން އެމް އޭ އަލްޙަމާދީގެ ތަޤްރީރު
* މެމޮރެންޑަމް އަދި ގަވާއިދަށް ގެނެވޭ އިސްލާހުތައް ފާސްކުރުން
* އިސްލާހުކޮށްފައިވާ މެމޮރެންޑަމް އަދި އާއްމު ގަވާއިދު (ހިއްސާދާރުން ފާސްކޮށްފައިވާ އިސްލާހުތައް ހިމެނޭގޮތަށް) ފާސްކުރުން
* ޓެކްފިން މޯލްޑިވްސް ޕްރައިވެޓް ލިމިޓެޑްގެ ހިއްސާ އުރީދޫ މޯލްޑިވްސް ޕލކ އިން އޯއެފްޓީ އިންޓަނޭޝަނަލް އެލްއެލްސީ އަށް ވިއްކައި ބަދަލުކުރުމަށް ހުއްދަ ދިނުން.
* ހިއްސާދާރުންގެ މަޝްވަރާތައް
* ބައްދަލުވުން ނިންމާލުން.
ނޮވެމްބަރު 27 ވަނަ ދުވަހުގެ މެންދުރު 2:00 ގެ ކުރިން ރަޖިސްޓްރީކޮށްފައިވާ ހިއްސާދާރުންނަށް މި ބައްދަލުވުމުގައި ބައިވެރިވެވޭނެ އެވެ. އެޖެންޑާގެ ކަންކަމުގައި ޝަޚުޞީ ގޮތުން ނުވަތަ ޕްރޮކްސީ މެދުވެރިކޮށް ވޯޓުލެވޭނެ އެވެ.
