ކޫއްޑޫ ފިޝަރީޒް ކޮމްޕްލެކްސް އާއި އައްޑޫ ފިޝަރީޒް ކޮމްޕްލެކްސް އިން މަސްވެރިންގެ އަތުން ގަންނަ މަހަށް ނުދައްކާ ހުރި ހުރިހާ ފައިސާގެ ބެކްލޮގް ކްލިއާކޮށްފި ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން ބުނެފި އެވެ.
ނޮވެމްބަރު 17، 2023 އާއި ނޮވެމްބަރު 15، 2024 އާ ދެމެދު މިފްކޯއިން ވަނީ 50،588 މެޓްރިކް ޓަނުގެ މަހަށް ޖުމްލަ 59.4 މިލިއަން ޑޮލަރު ދައްކާފަ އެވެ. ނަމަވެސް އޮކްޓޯބަރު 28 އާއި ނޮވެމްބަރު އާ ދެމެދު ބާނާ މަހަށް ފައިސާ ދެއްކުމުގެ މަސައްކަތް އަދިވެސް ކުރަމުން އަންނަ ކަމަށް އެ ކުންފުނިން ބުނެ އެވެ. މިވަގުތު މަސްވެރިންނަށް ދައްކަންޖެހޭ 1.9 މިލިއަން ޑޮލަރުގެ ބެކްލޮގެއް އެބައޮތެވެ.
މިހާރުގެ ސަރުކާރު ވެރިކަމާ ހަވާލުވިއިރު މަސްވެރިންނަށް ދައްކަންޖެހުނީ ގާތްގަނޑަކަށް 16.2 މިލިއަން ޑޮލަރެވެ. އޭގެ ފަހުން ސަރުކާރުން ވަނީ ނުދައްކާ ހުރި ހުރިހާ ފައިސާއެއް ދައްކާ ހަލާސްކުރެވިފައިވކަން ކަށަވަރުކޮށް، ކުރިއަށް އޮތް ދެ ހަފްތާގެ ތެރޭގައި ފައިސާ ދެއްކުމަށް ވައުދުވެފަ އެވެ.
