ޕާކްކޮށްފައި އޮތް ކާރެއްގައި އަލިފާން ރޯކޮށްލި ކަމުގެ ތުހުމަތުގައި ހައްޔަރުކުރި ދެ މީހުންގެ ބަންދަށް 15 ދުވަސް ޖަހައިފި އެވެ.
ފުލުހުން މީޑިއާތަކަށް ފޮނުވި މެސެޖެއްގައި ބުނެފައި ވަނީ، އެ ދެމީހުންގެ ބަންދާ މެދުގައި ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން އެމީހުންގެ ބަންދަށް 15 ދުވަސް ޖަހާފައިވާ ކަމަށެވެ.
އަދި މި ދެ މީހުންވެސް ހައްޔަރުކޮށްފައި ވަނީ ކޯޓު އަމުރެއްގެ ދަށުންނެވެ.
މި މައްސަލައާއި ގުޅިގެން ހައްޔަރުކޮށްފައި ވަނީ، މާލެ މ. އަރާރަތްކުރި، ހާލިދް މަހްމޫން (35އ) އަދި އދ. މާމިގިނލި ބްލޫ ވިންޑް، ހަސަން ނަސީމް (31އ) އެވެ.
ބުރުޒުމަގު، ސިނަމާލެ ޕާކިން ޒޯން އެކެއްގައި ޕާކް ކޮށްފައި އޮތް ކާރުގައި ރޯކޮށްލީ މި މަހުގެ 25 ވަނަ ދުވަހުގެ 18:25 ހާއިރެވެ.
