ކަނޑު ގަދަވާނެ ކަމަށް ލަފާކޮށް ދެކުނާއި މެދުރާއްޖެ ތެރޭގެ ބައެއް އަތޮޅުތަކަށް މޫސުމާ ބެހޭ ގައުމީ އިދާރާ (މެޓް) އޮފީހުން ހުދު ސަމާލު ނެރެފި އެވެ.

މެޓް އޮފީހުން ހުދު ސަމާލު ނެރެފައި ވަނީ، ތ. އަތޮޅަށާއި ލ. އަތޮޅަށާއި ގއ. އަތޮޅަށާއި ގދ. އަތޮޅަށާއި ފުވައްމުލަ ސިޓީ އަދި އައްޑޫ ސިޓީއަށެވެ.

އެގޮތުން އެ ސަމާލު ނެރެފައި ވަނީ، ހަވީރު 5:00 އިން ފެށިގެން މިރޭ ދަންވަރު 00:30 އާ ހަމައަށެވެ.

މެޓް އޮފީހުން ނެރުނު ހުދު ސަމާލުގައި ބުނެފައި ވަނީ ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައި ޖެހުން އެކަށީގެންވާ ކަމަށާއި، ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާ ކުރެވޭ ކަމަށެވެ.

މެޓް އޮފީހުން ވަނީ ދެކުނާއި މެދުރާއްޖެތެރޭގައި ކަނޑުދަތުރުކުރާއިރު މޫސުމަށް ސަމާލުވުމަށް އިލްތިމާސްކޮށްފަ އެވެ.

މޫސުން ގޯސްވުން