ޕާކިން ޒޯނެއްގައި ޕާކް ކޮށްފައި އޮތް ކާރެއްގައި ރޯކޮށްލި މައްސަލައެއްގައި ދެ މީހުން ހައްޔަރުކޮށްފި އެވެ.
ފުލުހުން މިކަން ހާމަކޮށްފައި ވަނީ އެ އިދާރާއިން މިއަދު މީޑިއާތަކަށް ފޮނުވި މެސެޖެއްގަ އެވެ.
ފުލުހުން ބުނީ، ބުރުޒު މަގު، ސިނަމާލެ 01 ޕާކިން ޒޯނުގައި ޕާކް ކޮށްފައި އޮތް ކާރެއްގައި 2024 ނޮވެންބަރު 25 ވަނަ ދުވަހުގެ 18:25 އެހާކަންހާއިރު އަލިފާން ރޯ ކޮށްލާފައިވާ މައްސަލައެއްގައި ދެ މީހުން ހައްޔަރު ކޮށްފައިވާ ކަމަށެވެ.
މި މައްސަލައާއި ގުޅިގެން ހައްޔަރުކޮށްފައި ވަނީ، މާލެ މ. އަރާރަތްކުރި، ހާލިދު މަހުމޫދު (35އ) އާއި އދ. މާމިގިލި، ބްލޫ ވިންޑް، ހަސަން ނަސީމް (31އ) އެވެ.
ހާލިދު މަހުމޫދު އާއި ހަސަން ނަސީމް މި މައްސަލައިގެ ތުހުމަތުގައި ހައްޔަރުކޮށްފައި ވަނީ، ކޯޓު އަމުރެއްގެ ދަށުން ކަަމަށްވެސް ފުލުހުން ބުނެފައިވެ އެވެ.
ފުލުހުން އިތުރަށް ބުނެފައި ވަނީ މި މައްސަލަ އިތުރަށް ތަހުގީގު ކުރަމުންދާ ކަމަށެވެ.
