މާލޭގެ މާފަންނު ޝަހީދު އަލީ ގޯޅީގައި ހުރި ކެފޭއެއްގައި މިރޭ ހިނގި މާރާމާރީއެއްގައި އެކަކު ޒަޚަމްވެގެން އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ގެންގޮސްފިއެވެ.
ފުލުހުންގެ ތަރުޖަމާނު ބުނެފައިވާ ގޮތުގައި، މި މާރާމާރީ ހިނގާފައިވަނީ މިރޭ މާފަންނު ޝަހީދު އަލީ ގޯޅީގައި ހުރި ކެފޭއެއްގައެވެ. މި މާރާމާރީގައި އަނިޔާވި މީހާ މިހާރު ވަނީ އައިޖީއެމްއެޗަށް ގެންގޮސް ފަރުވާ ދެމުންނެވެ.
ފުލުހުން އިތުރަށް މަޢުލޫމާތު ދެމުން ބުނެފައިވަނީ މި މައްސަލާގައި މިހާތަނަށް އެއްވެސް މީހަކު ހައްޔަރުކޮށްފައި ނުވާ ކަމަށެވެ. އަދި މި މާރާމާރީ ހިނގާފައިވަނީ ކިތައް މީހުންގެ ދެމެދުގައިކަން އަދި ސާފުވެފައި ނުވާކަމަށް ވެސް ފުލުހުން ބުނެފައިވެއެވެ.
